I JOHAN 3:3 - Khumi Common Language Bible

³ Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.

I JOHAN 3:3 Iomraidhean Croise

2 SAMUELA 22:27

Paleung y chai nai khumichi teng y chai nai paleung ka-dawn py, khumi hawi y naichi teng y paleung ka-awi py, amteng hai ai.

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

LUKA 6:36

Ngampo ly amichi ai pahen nai kamta, nangchi py pahen u teang.

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

ROM AVANGCHI TENG Y PAWLA I CHA PA NAI 15:12

Naibaly Isaia my ly, Jesai i tangjyn theu nai, Cheng Takhrachi ai peang ai nai jeu nai keung ly theu ai: mymy ai ly Cheng Takhrachi my athang khai ai,” napi bi.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

KOLOSA 1:5

Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

II PETERA 1:4

Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.

I JOHAN 4:17

Achi ly tara chih nai kani y vam parai pa-rei awm thai ai nai achi i tlang tleaung y tamen naira ly angym bo; ati mana nai mo nabaly mymy i awm nai kamta achi ly hini khaileaung pri y awm teang bo.