I JOHAN 3:20 - Khumi Common Language Bible

²⁰ achi i paleung my achi ai pasum khala y ly mymy i mei ka-niu y achi i paleung ai amychi my khaw hai ai; ati mana nai mo nabaly Tameuh ly achi i paleung tleaung y len keh i, mymy ly ati cheaungkhang pany.

I JOHAN 3:20 Iomraidhean Croise

JOBA 27:6

Hawi naira ly mana khala py kapatlaw ai ny y; kai i angji ngailai nai paleung ly chai nai ne.

JOBA 33:12

Na i py Joba awi, nang i thui nai ly tamang bo; Tameuh ly khumi tleaung y len keh nai ne.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JOHAN 8:9

Hunaibaly nichi ly ni i leu thui nai thai iy miteaung keh naimy amteaung iy, tem pa-rei leaung leaungrei theu dudu; huunaibaly Isu my leaungrei awm khyh bo, neampachy ly sala y mymy i angdo naira y awm jo rai.

AMTAW 5:33

Naibaly nichi ly huni leu thai baly khrikhri pa-rei paleung yh-i na i, nichi ai padei ai nai tau bo.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

I KORINTH 4:4

Kaimy i tamang naira kapany y leang; na i py huni ly kai ai eaung hai lawh y leang; kai ai ang chih nai keungly Areng ne.

TITA 3:11

huna nai khumi ly tako takhra nai bo, kamngo py tla, nanai pany bei: mymy naimy apasum nai bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

HEBRAI 6:13

Tameuh my Abraham teng y leu adeu nai thym khala y ly mymy tleaung y len keh nai angam iy vaineng abeu thai y nai deaungkho y, mymy naimy vaineng abeu iy,

I JOHAN 3:19

Hunira y achi ly leu meitang naira i nai ne, nanai achi pany ai i,

I JOHAN 3:21

Ngai parai naichi awi, achi i paleung my achi ai pasum y baly, achi ly Tameuh mang y vam nai ne;

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.