I JOHAN 3:2 - Khumi Common Language Bible

² Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

I JOHAN 3:2 Iomraidhean Croise

JOBA 19:26

Kai i ngan tlangchi ly angvawichi deaungkho y, veaung tlawn na teu i py, kai ly hini tlang hawimy Tameuh ai niu ai.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

ISAIA 56:5

kai teng i dengdairei cho chanauchi tleaung y hawi keh nai amtheaung naira nga u ai. Kai i Achura yhm y py, kai i khumichi theung y py, tami pajau y nai amyn nga ai. Khumichi ly nangchi ai mana khala py tami ai ny y,” napi.

MALAKHI 3:2

Na i py ami nai ly nang jeu ai nai neng kani y ami aheu vui vam ai mo? Nang i amteng nai neng khala y, heng nai khumi awm rai na a? Hawi keh nai saibeung hawi py, vang kateng tamo patlawn nai mai hawi py atawm ai.

MATTHAI 5:8

“Paleung y chai naichi ly taham hawi: nichi ly Tameuh ai niu ai.

LUKA 17:30

Hunai kamta ly Khumi i Chapo my amteng nai kani y ly awm teang ai.

LUKA 20:36

nichi ly dei py dei ali thai y leang bo; nichi ly kani pri i amtaw thau naichi kamta tanrei awm; nichi ly angthau bi nai chanau lawn nai deaungkho y Tameuh i chanauchi ne.

JOHAN 1:12

Na i py mymy ai kawn iy, mymy i amyn y ym nai ngiereichi ai ly Tameuh i chanau lawn thai ai nai ang pei;

JOHAN 11:52

Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

ROM AVANGCHI TENG Y PAWLA I CHA PA NAI 8:16

Achi ly Tameuh i chanauchi ne, nanai Phailo kypkyp my ly achi i phailo hawi ang pany hai reng;

ROM AVANGCHI TENG Y PAWLA I CHA PA NAI 8:18

Vai dymkhawn i patang nairachi ly vai mo mang y achi teng y nang parai naira amteng hai ai nai hawi pata nai lawn y, nanai kapalawn,

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

I KORINTH 13:12

Vai ly achi ly dengkhang apui y niu vuivai nai ne, na i py hunai khala y ly moatha ai; vai ly angym y nai kapany, na i py hunai khala y ly kai ai ang pany angym nai kamta kai py kapany angym ai.

I KORINTH 15:49

Naibaly achi ly khaileaung hawi sa nai khumi atawm khyp naira nga nai kamta, achi ly kani mang i sa nai khumi atawm khyp naira nga teang ai nai tla.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

KALATIA 4:6

Naibaly nangchi ly chanau ne u nai deaungkho y Tameuh my mymy i Chapo i Phailo ai ly Abba, Ngaai, nanai aeu naimy achi i paleung y ang pato bo.

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

II PETERA 1:4

Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

I JOHAN 2:7

Ngai parai naichi awi, leu pei nai kangtha ly nangchi teng y kang tajiu y leang; leu pei nai kangngym, angchei kha i dengdairei nangchi i nga nai katajiu nai teu; huni leu pei nai kangngym ly nangchi i thai angchi yb chum veng nai leu ne.

I JOHAN 3:1

Khen cham achi ai Ampo my ang tamen nai ly mana tanrei na mo! Tameuh i chanauchi y ang pathi vui na ly: achi ly huni kamta ne khyp; khaileung pri my ly mymy ai pany y nai deaungho y achi ai py pany y.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 3:21

Ngai parai naichi awi, achi i paleung my achi ai pasum y baly, achi ly Tameuh mang y vam nai ne;

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

AMTENG HAI NAI 2:28

naibaly ni ai ly khawn tempo kapei ai.

AMTENG HAI NAI 22:4

nichi ly mymy i meimai niu u ai i, mymy i amyn ly nichi i lukati y awm teang ai.