I JOHAN 3:1 - Khumi Common Language Bible

¹ Khen cham achi ai Ampo my ang tamen nai ly mana tanrei na mo! Tameuh i chanauchi y ang pathi vui na ly: achi ly huni kamta ne khyp; khaileung pri my ly mymy ai pany y nai deaungho y achi ai py pany y.

I JOHAN 3:1 Iomraidhean Croise

2 SAMUELA 7:19

Salo kangteng aw Areng, nang ly kai ai jangni i tleaung y pahen na lawh ly. Mo mang i neng khala avum ai nai kai i katu chanauchi i vui leu adeu pi bo. Salo kangteng aw Areng, nang ly hini satang khumi leaungrei teng y pany hai lawh bo ly!

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

LUKA 20:36

nichi ly dei py dei ali thai y leang bo; nichi ly kani pri i amtaw thau naichi kamta tanrei awm; nichi ly angthau bi nai chanau lawn nai deaungkho y Tameuh i chanauchi ne.

JOHAN 1:12

Na i py mymy ai kawn iy, mymy i amyn y ym nai ngiereichi ai ly Tameuh i chanau lawn thai ai nai ang pei;

JOHAN 11:52

Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

JOHAN 16:3

Ampo kaini ai pany y nai deaungkho y hina nai sa u ai.

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

ROM AVANGCHI TENG Y PAWLA I CHA PA NAI 8:21

atiti sa naichi bawibawi ai ly ati sai py ny y naira i ngaingai anui y awm hai veng bo(mymychi i kangai y ny y leang, anui y awm hai nai keung my athang khai nai deaungkho y teu.)

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

Leu Thui Nai 14:1

“Nangchi ly nangchi i Areng Tameuh i khumi cheng ne. Hunai deaungkho y kadeichi i vui paleung si nai khala, amy i ngan tlangra y tamo apei piupa nai, lupang sam avau lawp nai so ngau y.

KOLOSA 3:3

Ati mana nai mo nabaly nangchi ly dei bo, naibaly nangchi i hengra ly Tameuh y Krista teng y heu veng bo.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

I JOHAN 4:17

Achi ly tara chih nai kani y vam parai pa-rei awm thai ai nai achi i tlang tleaung y tamen naira ly angym bo; ati mana nai mo nabaly mymy i awm nai kamta achi ly hini khaileaung pri y awm teang bo.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.