I JOHAN 2:8 - Khumi Common Language Bible

⁸ Ne mang ly leu pei nai kangtha katajiu pi bo, kaveng ly tama dudu nai deaungkho y hawi, kangvang tatang ly vai ly angvang nai deaungkho y py, huni ly mymy y hawi nangmychi y py meitang ne.

I JOHAN 2:8 Iomraidhean Croise

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

JOHAN 13:34

Atamen u leungtang, nanai leu kangtha kang pei; kaimy nangchi ai kang tamen nai kamta ly nangchi py atamen u leungtang.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 13:12

Vum ly tama vi tama vi veng bo i, khutawi ai bo; hunai deaungkho y kaveng i atiti sa naichi ly aphi vui iy, kangvang i tavai ateaung amthyp u sina.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

I PETERA 1:21

mymy deaungkho y ni ai kadeichi theung i dengdairei pathau nai hawi, nang parai naira pei nai keung Tameuh ai nangchi ly ym nai ne; hunaibaly nangchi i ym naira hawi athang khai naira ly Tameuh mang y awm bo.

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 4:11

Ngai parai naichi awi, Tameuh my hina tanrei achi ai ang tamen baly, achi py atamen u leungrang ai nai tla.

I JOHAN 4:21

Achi ly mymy teng i dengdairei hini leu pei nai ly awm he; ami py Tameuh ai tamen baly, mymy i amjo amnau ai tamen teang ai nai tla, napi nai ne.