I JOHAN 2:26 - Khumi Common Language Bible

²⁶ Nangchi ai ang tapawp ai tau nai keungchi i satang ly nangchi teng y katajiu nai ne.

I JOHAN 2:26 Iomraidhean Croise

LEU KACHENG 12:26

Khumi kahawi ly mymy i ahawi ka-dawi ai lam patei pi reng; na i py khumi hawi y nai ly ahawi ka-dawi ai lam tamang hai reng nai ne.

Ezekiela 13:10

“Amochi ly cheaungkhangra y hawi angym bo, nanai thui iy kai i khumichi ai tapawp u bo. Ati cheaungkhangra y hawi angymbe y leang! Kai i khumichi ly angkadeng pajui y nai lengseaung mary apaichi sa i, amochi ly jeu iy theung kangleung pajui u bo.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

I TIMOTHEI 4:1

Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

I JOHAN 3:7

Bechi awi, ami my py nangchi ai tapawp ai nai pei u moh; mymy ly kahawi ne nai kamta, kahawi sa reng nai keung ly kahawi ne teang:

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.