I JOHAN 2:19 - Khumi Common Language Bible

¹⁹ Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

I JOHAN 2:19 Iomraidhean Croise

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 37:28

Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

LUKA 8:13

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

AMTAW 15:24

Achi i kamkawm theung i khumi amichi mo leu thui nai ang khrukhra hai i, nangchi ai paleung phra hai, nanai kaichi thai; kaichi ly nichi teng y ati sai py leu pei y leang.

AMTAW 20:30

Nangmychi theung i khumi kypkyp py abangnaichi ai nichi teng y abi hai ai nai thui thli nai awm ai mang.

ROM AVANGCHI TENG Y PAWLA I CHA PA NAI 9:6

Na i py Tameuh i leu ly ati sai py ny y nai kamta awm vui nai ny y leang. Ati mana nai mo nabaly Israela kangpreangchi ly Israelachi ne bebe y leang.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

Leu Thui Nai 13:13

nangchi cheng theaung theung i khumi hawi y nai phyreichi my, saleaung avang vanrei adawi naichi teng y, vaichi khala nichi chiu vai y nai tameuhchi ai chiu ai nai parawi nai satang thai baly,

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

II TIMOTHEI 3:9

na i py nichi ly huni tleaung y katlen y ai, ati mana nai mo nabaly nini i pathu nai sai amteng nai kamta, nichi i pathu nai sai ly khumi bawibawichi teng y amteng lawh makho ai.

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

JUDA 1:19

Hunichi ly akhawi hai takhra naichi ne, tlang mang y asa nai, Phailo by y naichi ne.