I JOHAN 2:13 - Khumi Common Language Bible

¹³ Ngaaichi awi, nangchi ly angchei kha i dengdairei awm nai ai pany nai deaungkho y nangchi teng y katajiu nai he. Thawndeangchi awi, nangchi ly kamngo sa reng nai keung ai pajau nai deaungkho y nangchi teng y katajiu nai he. Bechi awi, nangchi ly Ampo ai pany nai deaungkho y nangchi teng y katajiu nai chy bo.

I JOHAN 2:13 Iomraidhean Croise

SAM 148:12

thawndeangchi hawi anglochi awi, miteaungchi hawi deaungdichi awi, mymy ai palo u.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

LEU KACHENG 20:29

Deaungdichi i haiho ly kho-ban ne; miteaungchi i tahm awm nai ly sam kapau ne.

JOELA 2:28

“Naibaly kai ly kaimy i Phailo ai, khumi bawibawichi tlang tleaung y leih pi ai. Nang i cho chanauchi ly kai i leu pei nai ahei hai ai. Saneng len nai khumichi ly amangchi amang u ai i, thawndeang deaungdichi ly paleung mei y niu u ai.

ZEKHARIAH 9:17

Hini pri ly ati mana tanrei apu parai na mo ly! Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 13:19

Ami py kani pri i leu ly thai iy dawn nai pany y pui baly, kamngo sa reng nai keung ly jeu iy, mymy i paleung y hei nai angchih ly lawm pi ry veng, huni ly lam teng y hei nai ne.

MATTHAI 13:38

ti kahawi ly kani pri i chanauchi ne; choh myn ly kamngo sa reng nai keung i chanauchi ne;

MATTHAI 5:37

Na i py nangchi i thui nai ly ‘Ne,’ nanai ly ‘Ne nai’ ne sy, ‘Ny y,’ nanai ly ‘Ny y nai,’ ne sy; huni tleaung y apo thui nai ly kamngo dengdairei theu nai teu.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 14:7

Kaimy ny y baly ami py Ngaai teng y tym vai y, Nangchi ly kai ai pany i khyly Ngaai ai py pany ai bo; vai dengdairei nangchi ly ni ai pany, niu py niu bo,” napi.

JOHAN 14:9

Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?

JOHAN 16:3

Ampo kaini ai pany y nai deaungkho y hina nai sa u ai.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 8:19

Naibaly nichi my ly ni teng y, ‘Ngampo ly ma mang y mo?” napi. Isu my, “Nangchi ly kai ai py pany y, Ngaai ai py pany y; nangchi ly kai ai pany i khyly Ngaai ai py pany ai bo,” nanai pathang.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

I TIMOTHEI 5:1

Miteaung keh nai ai ly preng moh ly, ampo kamta parawi;

TITA 2:6

Hunai kamta khyp naimy, thawndeaungchi ai py paleung kateng awm ai nai pachei.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

I JOHAN 2:1

Bechi awi, nangchi ly kamngo so y ai nai hini leu ly nangchi teng y katajiu nai he. Ami py kamngo sa lawh baly, achi i Ampo teng y thui pi nai keung Isu Krista kahawi awm;

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.

I JOHAN 2:14

Ngaaichi awi, nangchi ly angchei kha i dengdairei awm nai ai pany nai deaungkho y ngngchi teng y katajiu nai chy bo. Thawndeangchi awi, nangchi ly ham i, Tameuh i leu ly nangmychi y awm jojo iy, kamngo sa reng nai keung ai ly pajau nai deaungkho y nangchi teng y katajiu nai chy bo.

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.