I JOHAN 1:9 - Khumi Common Language Bible

⁹ Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

I JOHAN 1:9 Iomraidhean Croise

1 ARENG KEH 8:30

Hini meingtym mang y mo tha naimy kai hawi nang i khumichi chiu sa nai khala y tangai pi kyh ba. Nangmy i awm nai kani pri mang dengdairei, kaichi i hnei takeng naichi tangai pi iy, kaichi i kamngo py pahen kyh ba.

1 ARENG KEH 8:47

Huni pri ly khri pa-rei palo teu i py, nang i khumichi chiu sa hnei takeng nai ly tangai pi kyh ba. Nichi ly huni pri y awm nai khala uikheih nai tarawi y mychi ly kamngo mana tanrei sa tamang na mo, hawi y na mo, nanai ahui iy nangmy teng y chiu sa hnei takeng lawh baly aw Areng, nichi i hnei takeng nai pathang pi kyh ba.

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

SAM 19:12

Amimi py amy i tamang naichi ly niu pajau y; Aw Areng, amny pajau y nai kamngochira i nai, kai ai chai hai kyh ba!

SAM 32:5

Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 33:8

Khumichi my kai i tlang tleaung y sa tamang nai kamngochi paju pachai pi ai. Nichi i kamngochi hawi nichi i tiu naichi molam y kapahen pi ai.

TANGAM NAI LEU 3:23

khawn khutawi neng kamta khesere naimy, kani si nai kamta khaw hai tatang nai ne.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 37:23

Nichi ly amso ngai nai mynchi hawi, mymychi ai chai hai y nai awm bi ai ny y. Kamngo sa nai molam y kamhi kamtlau apu y nai awm moh. Kai ly nichi ai kamngo sa nai hawi, sa tamangra i nai chai hai ai. Nichi ly kai i khumi lawm ai i, kai py nichi i Tameuh lawm ai.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

MARKA 1:5

Naibaly Judai pri i khumi bawibawi hawi, Jerusalem i khumi bawibawi theu u i, mymy teng y chei u; naibaly mymychi i kamngo ahui nai Jordan tavo y mymy teng y baptisma nga u.

LUKA 22:57

Na i py mymy ly, “Lo awi, kai ly ni ai ly pany y leang,” nanai apha.

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

AMTAW 19:18

Naibaly ym naichi theung i neangneangchi ly jeu iy, mymychi i atiti sa naichi ly ahui i atapheaung bo.

ROM AVANGCHI TENG Y PAWLA I CHA PA NAI 3:26

mymy kypkyp ly kahawi ne, nanai hawi, Isu ai ym nai ngierei ai eaung hai nai keung ne, nanai py mymy i vai dymkhawn i hawi naira patei nai ne.

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

EPHESI 5:26

tui y paju naira y hawi leu thui naira y py khai takhra iy chai hai thai ai nai hawi,

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 11:11

Ym naira deaungkho y Sarai kypkyp py adeu nai keung ai ly ka-ym awm nai palawn nai deaungkho y miteaung nai bo y ti ampreng thai ai nai nga bo.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.