I JOHAN 1:8 - Khumi Common Language Bible

⁸ “Kaichi ly kamngo by y leang,” napi baly amychi ai atapawp nai teu, leu meitang py achi teng y by y.

I JOHAN 1:8 Iomraidhean Croise

1 ARENG KEH 8:46

“Kamngo so y nai khumi leaungrei py by y leang. Hunai deaungkho y nang i khumichi ly nang i tlang tleaung y kamngo sa u ai. Huna nai khala nang ly kado theu ai i, nichi ai paleung ka-echi i kiu y sum hai iy, pri takhra mang y nichi ai hawi jo ai.

2 ARENG KEH 20:15

Isaia my, “Nichi ly samrang i yhm theung y atitichi niu u mo?,” nanai deng. Hezekia my, “Nichi ly samrang yhm theung y awm nai ngiereichi niu u nai ne. Vawnsai khaira takun theung i, nichi ai kaimy patei y nai ati sai py by y leang bo,” napi.

2 NENG SATANG 6:36

“Kamngo so y nai khumi ly leaungrei py by y. Na i py nang i khumichi ly nang i tlang tleaung y kamngo sa u ai. Huna nai khala nang ly kado theu nai, nichi ai paleung ka-echi kiu y sum hai iy, pri takhra mang y hawi hai pawn ai. Huni pri ly khri pa-rei palo teu i py,

JOBA 14:4

Chai y nai khumi theung i, ami nai kachai patheu pajau ai mo? Ami py patheu pajau y.

JOBA 15:14

Khumi ly meitang khyp, kamngo by y a? Ami nai Tameuh i mo y khumi kahawi lawm pajau ai mo?

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

SAM 143:2

Nang i miseaung kai hawi ka-jo ka-thui awm moh sy ba; nang i mo y kamngo chai nai leaungrei py by y.

LEU KACHENG 20:9

Khumi ami py, chai nai paleung awm, nanai py, amy teng y kamngo by y leang bo, nanai py, thui khyp pajau na a?

Parip nai leu 7:20

Avawrei hawi naira sa iy hawi y nai pipi so vai y nai khumi, nanai ly khaileaung salo y leaungrei py by y.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

JEREMIA 2:35

“Na i py, ‘Kai teng y kamngo by y, Areng ly meitang khyp, kai i tlang tleaung y kado theu hai y leang bo,’ nanai thui ai nai ngai. Na i py nang ly nangmy teng y kamngo by y, nanai akhi nai deaungkho y kai ly nang ai kamngo pajeng ai.

Levi 13:12

Ni i nganpeih no ly lu i ka-so kheu mang y khrairei kawibiu na lawh baly,

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

ROM AVANGCHI TENG Y PAWLA I CHA PA NAI 3:10

“Ami py khumi kahawi by y, ne, leaung py by y;

ROM AVANGCHI TENG Y PAWLA I CHA PA NAI 3:23

patle takhra naira ha py by y leang; ati mana nai mo nabaly khumi bawibawi kamngo sa bebe i, Tameuh i nang parai naira py ngo y bo;

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

JAKOB 1:22

Na i py amychi ai atapawp iy leu tangai u jo khyh nai ny y i leu patawm nai keung lawn u.

JAKOB 1:26

Ami py, “Kai ly Tameuh i reita patawm,” nanai adawn iy amy i palai ai hawihai atyp y pasi lawh baly, amy i paleung ai atapawp nai teu, huni khumi i reita ly ati sai py ny y leang.

JAKOB 3:2

Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.

II PETERA 2:13

kanithun y pawi sa khrukhrala nai ly hawi parai, napi naichi ne; meimai cheh naira hawi anyng akau naichi ne; nangchi hawi vanrei atamen nai pawi cha u iy, saw ala nai tarawi y awm tapawp naichi ne;

I JOHAN 1:10

Na i py, “Kaichi ly kamngo so y leang,” napi baly mymy ai ka-chawi thui nai keung palawn lawh i, mymy i leu py achi teng y by y.

I JOHAN 1:6

Tameuh ly kangvang ne, mymy y ly kaveng pipi by y. Achi ly kaveng y tako dudu nai iy, “Kaichi ly mymy hawi amkawm,” na lawh baly, achi ly ka-chawi thui nai teu, leu meitang py patawm nai ny y leang;

I JOHAN 2:4

Mymy i leu pei naichi patawm y pui naimy, “Mymy ai kapany,” napi nai khumi ly ka-chawi thui nai teu, leu meitang py mymy teng y by y.

I JOHAN 4:20

Ami my, “Kai ly Tameuh ai tamen,” napi iy, amy i amjo amnau ai niu ngai y baly, mymy ly ka-chawi thui nai teu; amy i amjo amnau niu ryhryh nai ai malawn py tamen y pui baly, Tameuh niu vai y nai ai ipsaly mana tamen thai ai mo?

II JOHAN 1:2

naibaly kaimy leaungrei khyh ny y leang, leu meitang pany nai ngiereichi py ne teang:

III JOHAN 1:3

Amjo amnauchi ly ang jeu iy, nang i meitang nai sai kai ai ang thai hai nai khala y kai ly khri pa-rei kawn na; ne, nang ly leu meitang y tako veangveang nai ne mang: