ISAIA 9:9 - Khumi Common Language Bible

⁹ Huna nai sa, nanai ly Samari mary y awm nai khumi bawibawichi hawi, Israela cheng bawibawichi my pany u ai. Vai, nichi ly amlyh am-e iy paleung len u nai ne. Nichi my,

ISAIA 9:9 Iomraidhean Croise

1 ARENG KEH 22:25

Mikha my, “Nang aheu vui ai nai takun theung y kun nai khala pany ai,” napi.

LEU KACHENG 16:18

Amlyh am-e parai nai ly phra naira mang py, paleung len naira ly atlym naira mang py, pahawi nai ne.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 28:3

Huni neicha ala nai lu sa nai keungchi i amlyh am-e nai ly kheu hawi chiu piu nai avum ai.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 7:2

Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

ISAIA 9:8

Areng ly Jakob i katu chanauchi hawi Israela pri tlang tleaung y tara chih bo.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

Ezekiela 30:19

Hina nai kamta Aikupta pri ai pajeng nai khala, kai ly Areng ne, nanai nichi pany u ai,” napi.

Ezekiela 33:33

Na i py nang i thui nai ngiereichi ly teng khyp ai i angym nai khala, nichi theung y amo leaungrei tym bo, nanai nichi pany u ai,” napi.

Ezekiela 7:27

Samrang ly vo tangam naimy awm ai; samrang i chapo py athang khai naira awm ai ny y; khumi mipuichi ly jei hyn naimy awm u ai. Kai ly nangchi ai nangmychi i sa naichi deaungkho y pajeng ai. Nangchi ly khumi takhra ai tara chih u nai kamta, nangchi ai kaimy tara kangchih ai. Hina nai hawi my kai ly Areng ne, nanai nangchi pany u ai,” napi.

Ezekiela 7:9

Kai ly nang ai kangheng kang patleaung ai ny y, mana mo i py kang pahen ai ny y. Nangmy i sa nai amso ngai nairachi molam y, kai ly nang ai kang pajeng ai. Huna khala naini kai ly Areng ne, nanai py, nang ai pajeng nai keung ly kai ne, nanai py nang ly pany ai,” nanai ne.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

MALAKHI 3:13

Areng my, “Nangchi ly kai i satang ai hawi y nai satangchi palawn iy thui u bo. Na i py nangchi my, ‘Kaichi ly nang i satang ati mana kathui u mo?’ nanai deng u.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.