ISAIA 9:5 - Khumi Common Language Bible

⁵ Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

ISAIA 9:5 Iomraidhean Croise

ATITI AWM ANGCHEI NAI 32:30

Jakob my, “Kai ly mo atha leungtang naimy Tameuh ai kaniu i py kai ly heng jo rai,” nanai thui iy, huni meingtym ai Peniel, nanai amyn patho bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

SAM 72:3

Pri theung y tlamsa iy, leu meitang adyh adawi naimy peang sy.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

ISAIA 13:4

Mawi salo y awm nai khumi mipuichi i raawi tangai u. Huni raawi ly khumi cheng cheaungkhangchi hawi prichi akachu u nai katynchi ne. Kani pri tavai luchi i Areng ly mymy i tavaimichi ai tavai thau hai ai nai angveirym bo.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 47:3

Nichi ly keaungngo muiken katynchi hawi keaungngo ka-ri amli nai katynchi thai u ai. Ampochi ly mychi i cho chanauchi ai khen ali y. Nichi i kiuchi py atho kheih i, tla thlawi pawn ai.

JOELA 2:5

Nichi ly mawi aheungchi salo y ampyh u iy tavai keaungngo ka-richi i katyn kamta py, acha kajeichi ai mai my kang nai kamta py, hang u nai ne. Nichi ly tavai atiu ai angveirym nai tavaimi kamkawm pui kamta, amjyn u bo.

Levi 3:11

Kalop amsi nai pathyp pi nai keung ly hunichi ai maicham salo y leng patlum ai nai tla.

Levi 3:16

Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

MIKHA 5:1

Jerusalem mary i khumichi awi, nangchi i tavaimichi ai kachu u! Kaichi ai paleung ka-echi my katanmeuh bo. Nichi ly Israela chengchi i lu sa naichi ai tamyh pawn ai nai atho sa u bo!

NAHUM 3:2

Khyh pakhau nai katyn, ka-ri amli nai katyn, keaungngo muiken katyn, tavai keaungngo ka-ri athyh nai raawi tangai cham!

ZEKHARIAH 6:13

Ni ly Achura yhm sa ai nai keung, samrang hawi ataing nai phum-ang nga ai nai khumi ne nai deaungkho y, mymy i chengchi ai peang ai; my i areng atehra sahawi y pathyp pi nai keung leaungrei ly angdo iy, ni hawi vanrei tlamsa naimy amkawm ai.

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

AMTAW 2:19

Kaimy salo mang i kani y ly atiti rengrangchi, Anui mang i khaileaung y py atiti ka-ma-rachi kapatei ai: Thi hawi, mai hawi, maikhyh amhui nai hawi:

AMTAW 2:3

Naibaly palaichi ly mai ka-tawm nichi teng y amji iy ahei nai nichi teng y amteng bo; naibaly nichi i lu tleirei y chym.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

TARA CHIH NAI KEUNGCHI 13:18

Kani pri amtaw thau naimy, “Ati mana nai y kai i amyn pany ai nai ngai mo? huni ly lyh ai hawi parai nai amyn ne,” napi.

1 SAMUELA 14:19

Sawla ly pathyp pi nai keung hawi leu arum nai thym y, Philistia chengchi i tai naira y ahei khrikhra nai sai ly typra typra nai deaungkho y Sawla my ni teng y, “Areng hawi adeng ai nai neng by y leang bo!,” napi.