ISAIA 9:4 - Khumi Common Language Bible

⁴ Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

ISAIA 9:4 Iomraidhean Croise

ATITI AWM ANGCHEI NAI 27:40

Nang ly akei hawi kalop sa iy heng ai; na i py ngamnau teng y miseaung achei ai. Na i py nang ly atho sa baly ngamnau my peang naira i law tleaung ai,” napi.

SAM 125:3

Khumi aso y naichi ly khumi kahawichi i pri y, peang jojo ai nai ngo y ai; huna nai peang u lawh baly khumi kahawichi malawn py, hawi y naira sa tan sa u lym ai.

SAM 81:6

Huni katyn ly “Nangchi paleang tleaung i myn kaji ly kaimy kang la pi vui iy, nangchi i iukhi pho nai tumchi py amteih hai ai.

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 16:4

Nangchi i pri y awm ai nai pei ba. Kaichi ai tamyh vui ai ngai nai khumichi teng i nai amo hai ba,” nanai Moba mipuichi thui u nai ne. (Ana piupa nai hawi taphra nairachi ly tama ai. Pri phra hai nai khumichi py by y leang bo.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 52:2

Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 54:14

Nang ly hawi nai reita ai sangum khai nai deaungkho y, khaw jo ai. Ana nai hawi jei hyn nairachi tama ai.

ISAIA 9:5

Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

JEREMIA 30:8

Ati cheaungkhang sa thai nai keung Areng my, “Huni neng kani tym nai khala y kai ly huni khumichi i kaneaungra i tamtleang khei vui iy, nichi ai kawm nai tamo vuinawnchi su pi vui ai. Nichi ly pri takhrachi teng y miseaung achei ai ny y.

JEREMIA 48:17

“Tengpang sahawi y awm nai khumichi awi, huni pri i vui vo tangam u; Huni pri i amyn amthang nai pany nai khumi bawibawichi awi, khri pa-rei sa thai naira awm nai hini pri ly anawi seaungkhrang iy, huni i phum-ang hawi sa thai naira ly jum veng bo,’ nanai thui u.

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

NAHUM 1:13

Nangchi ai Asuria prichi kiu i nai law tleaung hai ai. Nangchi ai pakheng nai sengkrychi tameang pawn ai,” napi.