ISAIA 9:3 - Khumi Common Language Bible

³ Aw Areng, nang ly nichi ai khri pa-rei amo theu ai nai pei bo. Nang ly nichi ai amo theu hai bo. Khumichi ly amti amjang pakym nai neng khala py, atiura i vawnsaichi phy amji u nai neng khala py, amo theu u nai kamta nichi ly nang i sa naichi molam y amo theu u nai ne.

ISAIA 9:3 Iomraidhean Croise

NEHEMIA 9:23

Nang ly nichi ai kani mang i ka-sichi kamta, nawi parai nai cho chanauchi pei pi bo; naibaly nichi i amsi pajochi teng y nangmy i adeu nai pri peang hai iy, huni pri y awm hai nai ne.

JOBA 12:23

prichi ai len hai iy khaw hai; na i py nichi ai sum hai iy phra hai bo.

SAM 107:38

Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

SAM 119:162

Nang i leu adeu naichi molam y, kai ly khri pa-rei amo theu; ateaung alang neangneang niu nai khumi kamta, amo theu nai ne.

SAM 4:7

Na i py kai teng y nang i pei nai amo theu naira ly choh hawi kreip hang nang naichi i amo theu nai tleaung y typ keh.

ISAIA 10:26

Ati cheaungkhang sa thai nai kai, Areng ly Oreb lengseaung sahawi y, Midian chengchi ai kai i cheaungvawi hawi parip nai kamta, nichi ai py kaparip ai. Kai ly Aikupta chengchi ai ngari kamtang tym hai nai kamta, nichi ai py ngari kamtang tym hai ai.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 14:5

Khumi mipuichi ai kado theu naimy ana iy my i pajau nai khumichi ai py,

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:15

Aw Areng, nang ly kaichi i pri lo-pa hai bo; lo-pa hai bo. Huni i khu ka-peangchi py nidym nisi, tosyh tokalawi kau haira bo. Hina nai kamta sa nai deaungkho y, nang ly tahm awm nai ne.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 54:1

Aw Jerusalem mary, nang ly cho chanau so y nai neampachy hawi atawm. Na i py vai ly amo theu naimy khulym thui iy, aeu pajau bo. Vai, nang ly juvo my khai su vai y nai neampachy tleaung y py, cho chanauchi neangneang nga ai!

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 66:10

Jerusalem mary ai paleung apei nai khumichi awi, ni hawi vanrei amo theu u; ni i vui amo theu u! Huni mary i vui paleung si vo tangam nai khumi bawibawichi awi, vaimy ni hawi vanrei amo theu u!

JEREMIA 31:7

Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

HOSEA 4:7

Nangchi pathyp pi nai keungchi vuikanai nawira nai hawimy, kai i tlang tleaung y nangchi i kamngo sa nai sai nawira bo. Hunai deaungkho y kai ly nangchi i tahm awm nai taphra ai.

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

ZEKHARIAH 10:8

“Kai ly kaimy i khumichi ai palau iy kachu ai. Khumichi ai atleu iy jangni i kamta khumichi peung hai ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

LUKA 11:22

na i py mymy tleaung y atho awm keh nai my ly jeu iy pajau nai kha ly, mymy i aeng nai tavai ateaung kangym lawm pi veng iy, mymy i vawn ly la pi i paji phro veng.

AMTAW 8:8

naibaly huni avang y ly khri pa-rei amo theu u na.

PHILIPI 4:4

Areng y ly kawn u jojo; kang napi bi ai kawn u.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

TARA CHIH NAI KEUNGCHI 5:3

Samrangchi awi, tangai u! Pri peang nai keungchi awi, adawn u patyp! Israela chengchi i Areng Tameuh i nang parai nai sai palo ai nai kai ly khulym thui naimy taro beu ai.

TARA CHIH NAI KEUNGCHI 7:22

Kideon i risachi my bawchi eng u nai thym khala, Areng ly paleung ka-e tavaimichi ai, mychi tengtawi haisau hawi atleh mengmeaung hai bo. Nichi ly Zarethan meingtym mang y amhi iy, Bethsita mary hawi Tabath mary sahawi i Abela Meholah mary tym pa-rei preang u nai ne.

TARA CHIH NAI KEUNGCHI 8:12

Huna nai khala Midian samrang leaung nyhrei, Zeba hawi Zalmuna nini ly preang hawi bo. Na i py Kideon ly preang i, nini ai patiu vui nai deaungkho y, tavaimi kamkawm pui ly ahei phrophra veng nai ne.

1 SAMUELA 30:16

Naibaly ni ly Davida ai, huni khumichi teng y hawi jo bo. Huni khumichi ly Philistia pri hawi Juda prichira i, vawnsai neangneangchi nga nai deaungkho y, meingtym tleirei y eaung pawi sa i, cha nei u nai ne.