ISAIA 8:10 - Khumi Common Language Bible

¹⁰ Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

ISAIA 8:10 Iomraidhean Croise

ATITI AWM ANGCHEI NAI 21:22

Huni neng khala, Abimelek ly my i tavailu Phikol hawi Abraham teng y chei i mymy teng y, “Nang i sa naira tleirei y Tameuh my awm hai nai ne.

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

2 SAMUELA 17:4

Hini tau pei nai leu ai ly Abasalom hawi Israela cheng miteaung kehchi my ngai u bo.

2 ARENG KEH 6:12

Nichi theung i leaungrei my, “By y leang samrang awi, amo Elisa ly nang i takun theung y leu kamsyh katheu nai malawn py, Israela samrang teng y amti pi nai ne,” napi.

2 NENG SATANG 13:12

Tameuh ly kaichi ai lu sa iy pahawi nai keung ne. Mymy i pathyp pi nai keungchi py kaichi tavai tiu ai nai bawchi eng iy, ka-ma-ra patei ai nai angveirym bo. Israela khumichi awi, nangchi i Areng Tameuh hawi acham nai tavai atiu u moh! Nangchi pajau y leang!” napi.

JOBA 5:12

Mymy ly tau awm nai khumichi i ka-dawnchi phra hai ai. Khumi kachengchi ai py, mychi i paran nai hawimy pakhum hai reng nai ne. Hunai deaungkho y nichi ly mychi i sa nai leaungsai ngiereichira y, eaung naira ngo u y.

SAM 21:12

Ni ly thailiho hawi ko i, nichi ly anaw iy ang preng hai ai.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:8

Jeu u, Areng i sa pi nai saichi ai khen u; khaileaung pri y sa pi nai, lyh ai hawi parai naichi khen u.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

ISAIA 14:27

Ati cheaungkhang sa thai nai keung Areng ly hina nai kamta sa ai nai leu pacheang yb bo. Mymy py kamngo pajeng ai nai kiu pheu yb nai ne. Mymy ai ami py paka pajau ai ny y.

ISAIA 28:18

Nangchi ly dei areng hawi amsawi amnai asa nai taphra iy, tavau pri hawi ka-lyra nga nai py, taphra pawn ai nai tla. Ka-jeira ang tym nai khala y nangchi ly sum u ai.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 43:5

Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 42:11

Babulon samrang ai jei u moh jau. Kai ly nangchi hawi vanrei awm bo i, nangchi ai ni i kiu i nai atleu ai.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

TANGAM NAI LEU 3:37

Areng i ngai nai kamta naini, sa nai sai amcheang ai tla.

JOELA 3:9

“Khumi cheng cheaungkhangchi teng y ‘Tavai atiu ai nai angvei u rym; tavaimi risachi ai palau u; tavaimi risachi ai pangym iy tavai thau u, nanai satang thai hai u.

HAKAI 1:13

Naibaly Areng i leu pei nai thui pi nai keung Hakai ly “Areng my, kai ly nangchi hawi vanrei awm ai,” nanai leu pei nai ly khumichi teng y thui pi.

Kati Nai 14:9

Areng ai tiu ai nai tau u moh; Kanan pri khumichi ai py jei u moh. Achi my nichi ai tiu baly rai y naimy pajau ai. Areng my achi ai ang awm hai baly, nichi ai kry nai tameuhchi ly sum u ai; hunai deaungkho y jei u moh,” nanai khumi mipuichi teng y thui pi hawi nai ne.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

JOSUA 1:5

Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.