ISAIA 66:3 - Khumi Common Language Bible

³ “Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

ISAIA 66:3 Iomraidhean Croise

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

ISAIA 44:19

“Kai ly dengkeaung phyrei ai mai y tei veng bo. Mai-aichi salo y tako paawp iy mawi dang i cha bo. Dengkeaung kamlai hawi myn harei sa. Vai, kai ly huni dengkeaung beang mo y lu meung lawh bo ly!” nanai thui pajau ai nai, myn oh pangie nai keung ly pany thai naira, cheng naira by y.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

ISAIA 66:17

Areng my, “Mynchi chiu ai nai hawi akho theung i na-yhmchi mang y chei ai nai molam y, amymychi ai apachai u nai khumichi, eu mawi, paju mawi hawi amso ngai ai hawi nai teicha teineichi cha nai khumichi i vui ly myh kang ai nai neng ly kasa bo.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

Levi 2:2

Aron i chapo pathyp pi nai keungchi teng y syn pi ai nai tla. Kalop amsi nai pathyp pi nai keung ly tako dei angsorei, asitui hawi mui kahawichi syn iy, maicham salo y leng patlum ai nai tla. Huna nai kapathyp ly Areng ai pany jo nai katalamra ne. Hini talam nai mui kahawi ai ly Areng my kawn pi nai ne.

HAKAI 2:14

Naibaly Hakai my, “Hunai kamta teang, hini pri i khumichi hawi nichi i sa nai leaungsaichi ly chai y nai deaungkho y, maicham salo y talam nai kapathypra ngierei py chai y, nanai Areng my leu pei bo,” napi.

Leu Thui Nai 14:8

Eu mawi py cho ngau y, eu ly muiken ako i py pichy palawi y nai deaungkho y chai y nai mawi, nanai palawn ai nai tla. Paka nai hini mawichi ly cho ngau y. Hunichi i kadei veuchi malawn py nam ngau y.

Leu Thui Nai 23:18

Bima kalopra i nga nai tangka ai tauh iy, nangchi i Areng Tameuh i meingtym kachaira y talam ai nai avo y. Areng ly huni kalop ai paso nai ne.

TARA CHIH NAI KEUNGCHI 10:14

Nangmychi my vawi nai tameuhchi teng y phai vo u. Nangchi patang naira avum nai khala, huni tameuhchi my nangchi ai atleu na sy.”

TARA CHIH NAI KEUNGCHI 21:25

Huni deung khala, Israela chengchi theung y samrang by y leang rai; khumi luteng ly amy i ngai nai kamta sa u nai ne.

TARA CHIH NAI KEUNGCHI 5:8

Huni bo y Israela chengchi ly tameuh takhrachi ai vawi u takhra nai khala, huni pri y tavai tiu u bo. Israela pri y khumi meaung kateaung palyhrei awm nai theung y khupui harei, ti y baly tivi harei syn nai khumi awm a?