ISAIA 6:2 - Khumi Common Language Bible

² Mai kadeu angveaung nanai Charabenchi ly mymy ai taki teungtareung nai ne. Nichi ly pakhi tariu tariurei awm; nichi ly pakhi nyhrei hawi meimai y py, takhra pakhi nyhrei hawi tlang y py khiu iy, huni bo i pakhi nyhrei ai ly akheang naira y teaung nai ne.

ISAIA 6:2 Iomraidhean Croise

ATITI AWM ANGCHEI NAI 17:3

Abram ly khaileaung hawi meimai abi na pa-rei lu meung nai thym y Tameuh my,

1 ARENG KEH 19:13

Huni raawi thai nai khala y Elija ly my i meimai y ateaung amyn naimy theu i, tapiu pa-khora angdo bo. Huna nai khala, “Elija awi, nang ly hini meingtym y ati sa nai mo?” nanai deng nai raawi thai bo.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

1 ARENG KEH 6:24

Huni kheruben nyhrei ly atawm riri nai ne. Huni ly kasau miu pangrei awm nai pakhi nyhrei awm riri iy, pakhi kadeaung harei dengdai nai pakhi kadeaung harei y tym pa-rei ly miu horei awm.

1 ARENG KEH 6:27

Kheruben nini i kadai nai pakhi nyhrei ly dengpangchi hawi abi naimy awm ai nai kheruben nyhrei ai khri pa-rei chai keh nai meingtymra y khai nai ne.

1 ARENG KEH 8:7

Kheruben nini i pakhichi ly Leu Maikawm Pawm salo y kadai naimy, Pawm hawi samtleang ai py khiu meuh nai ne.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

JOBA 1:6

Tameuh i mo y kani pri mang ichiahihawi nai neng kani tym nai khala, setanpy nichi hawi vanrei abawi teang.

JOBA 15:15

Tameuh ly mymy i kani pri amtaw thau naichi ai malawn py, ym y nai ne. Nichi malawn py, mymy i mo y kamngo by y naichi ny y.

JOBA 4:18

Tameuh ly mymy i kani pri amtaw thau naichi ai malawn py ym y. Mymy ly kani pri amtaw thau naichi ai kamngo niu.

SAM 103:20

Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

SAM 104:4

Nang ly ali ai nangmy i savaichi kamta py, amlosadichi ai nangmy i miseaungchi kamta py, teaung nai ne.

SAM 18:10

Mymy ly kheruben tleaung y atang naimy, ali kamrawi y satla kathiu bo.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

THEU NAI 25:20

kheruben nyhrei i kadai nai pakhichi ly Pawm khymra y khiu ai nai tla; mo atha leungtang iy huni khym ai khen hai ai nai tla.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 37:9

Kheruben nyhrei ly mo atha leungtang iy, nini i pakhi kadai nai ly Pawm y deung meuh bo.

ISAIA 6:6

Huna nai khala Charaben leaungrei ly maicham tleaung y mai-ai harei tangkeih hawi takip iy syn naimy kai teng y akheang kathiu bo.

Ezekiela 1:11

Huni heng nai amjychi ly harei hawi harei pakhi kadeaung abi pa-rei, pakhi nyhrei kadai iy takhra pakhi nyhrei hawi mymychi i tlang y mym bo.

Ezekiela 1:24

Nichi akheang nai khala, kai ly pakhi aho nai katyn thai. Huni katyn ly pangli tui kamsau kamta py, tavaimi kanghu pui i katyn kamta py, ati cheaungkhang sa thai nai keung Tameuh i katyn kamta py atawm.

Ezekiela 1:4

Kai ly angdeang kalau iy khen nai khala, tosyh ngan mang ali kamchai aho nai kaniu. Khupanym pui mang amlosadichi theu iy, huni khupanym tengpang sahawi i kani khusang ly angvang teaung na; amlosadi theu nai y kheupaja hawi atawm nai ly sadi nanai ne.

Ezekiela 1:6

Na i py nichi ly meimai palyhrei hawi pakhi palyhrei awm akyhkyh nai ne.

Ezekiela 1:9

Huni heng nai amjychi ly harei hawi harei abi pa-rei pakhi nyhrei kadai riri naimy, mo atha u leungtang nai ne. Nichi ly mymychi i tlang amhi y naimy asyh u bawn bo.

Ezekiela 10:16

Heng nai amjychi asyh nai khala nichi sahawi i amlira kheuchi py asyh teang. Nichi akheang ai nai pakhi kadai nai tleirei, amlira kheuchi py angteang kalau teang.

Ezekiela 10:21

Nichi ha hareichi teng y meimai palyhrei, pakhi palyhrei hawi, huni pakhichi anui y khumi i kiu hawi atawm nai kiu ha harei awm bawibawi.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

DANIELA 9:21

Kai ly huna nai kamta chiu sa nai thym khala y, vaichi khala amteng hai naira y niu nai Kabriela ly kai i awm naira y angkheang kathiu bo. Huni neng ly dym mang i apathyp nai neng ne.

ZEKHARIAH 3:4

Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

LUKA 1:10

Naibaly rimui patawi nai neng khala y khumi mipuichi bawibawi ly angam mang y chiu sa u.

HEBRAI 1:7

Naibaly mymy ly kani pri i amtaw thau naichi i molam y, “Ni ly mymy i kani pri i amtaw thau naichi ai ly ali y lawn hai reng, Ni i kalop sa nai keungchi ai py mai kangveaung y lawn hai reng,” ang napi.

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;

AMTENG HAI NAI 4:8

Naibaly huni heng nai amjy palyhrei ly pakhi tariurei awm bawibawi i, anui y py salo y py mei cheichei awm: naibaly nichi ly, “Jangni i dengdairei awm nai hawi, vai awm nai hawi, vai momang y awm ai nai Atiti py Sa Thai Nai Keung Areng Tameuh ly, Kachai, kachai, chai parai na y!” Nanai vum kanithun anawn y naimy thui jojo.

AMTENG HAI NAI 7:11

Naibaly kani pri i amtaw thau nai bawibawichi ly areng atehra hawi, miteaung kehchi hawi, heng nai amjy palyhreichi ai taki teung tareung naimy angdo nai ne;

AMTENG HAI NAI 8:13

Naibaly kai ly khen i, ahm pui kani laileaung y angkeang iy, tao pajeng parai naimy, “Kani pri i amtaw thau nai leaung thomreichi i baw eng bi rai ai nai katynchi deaungkho y khaileaung pri tleaung y awm naichi ly taham si! taham si! taham si!” napi nai kathai.