ISAIA 5:8 - Khumi Common Language Bible

⁸ Nichi ly taham si! Mymychi teng y awm yb nai yhmchi, li hlauchi vuikanai nawi pa-rei sa naichi awi, kra y naimy khumi takhrachi i vui awm naira meingtym awm ai ny y. Nangmychi tlairei, hini pri theung y awm u ai nai tla ai.

ISAIA 5:8 Iomraidhean Croise

JOBA 15:28

Ni ly marychi hawi yhmkeungchi preang pawn iy, khai su nai yhmchira y athum bo. Na i py huni mary, huni yhmchi ly tavai takai molam y phra ai.

JOBA 20:21

Ni i cha nei nai khala, ati sai py kamlai khai vai y. Hunai deaungkho y ni i yhmtheaung katui ly akan ai ny y.

LEU KACHENG 15:27

Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

Ezekiela 11:15

Mymy ly “Nang khumi cho awi, Jerusalem mary y awm nai khumichi ly nang hawi nang i amjo amnau pri palara avum nai Israela khumichi i satang thui u nai ne. Nichi ly Areng y amjo amnau kypkyp hawi, mymy teng i nai kamlo y awm u naichi ne. Huna nai y mymy ly hini pri achi amtym ai nai ang pei nai ne,’ nanai thui u bo.”

Ezekiela 33:24

Mymy ly “Nang khumicho awi, Israela pri i phra seaungkhrang nai marychira y awm nai khumichi my, ‘Abraham ly khumi leaungrei ne teu i py, hini pri verei y amtym nai ne. Vai, achi ly vuikanai nawi naichi ne iy hini pri y achi amtym ai nai nga bo,’ nanai thui u.

AMOS 1:13

Areng my, “Ammon khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khu ta-i ai nai ngai phi nai deaungkho y, tavai atiu nai khala Kilead pri neampachy jeubomchi ai malawn py, kajeu pho iy padei bo.

MIKHA 2:1

Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

HABAKKUK 2:6

Tavai sum nai khumichi ly tavai eaung nai khumichi tlang tleaung y, paleung no-ei nai leu katheu iy, khumi aniu y nai sa u ai. Nichi my, “Amychi peang y nai yhmtheaung katuichi ai lawm u nai nangchi ly taham si u bo. Nangchi ly mana tanrei kakra, nangmychi i kalai keungchi ai tapawp iy, nangmychi nang chawn ai nai sa u veangveang ai mo?” nanai thui u ai.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.