ISAIA 5:7 - Khumi Common Language Bible

⁷ Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 5:7 Iomraidhean Croise

ATITI AWM ANGCHEI NAI 4:10

Naibaly Areng my, “Nang ly ati mana nai y, hini ka-jei awm parai nai sa lawh mo? Ngamnau i thi my khaileaung mang dengdairei vawitheung tha teang ai nai palau nai raawi kamta ang kaau na a!

2 SAMUELA 7:10

Kai i khumi Israela chengchi i vui awm ai nai meingtym vawi takhra iy, ana patang naira avum hai y naimy, saleaung khuteng chah hai bo. Hini pri y kun khyp khala i dengdairei, khumi hawi y naichi my tiu nai avum teu i py, vai mo mang y ly avum bi ai ny y. Nang ai paleung ka-echi teng i nai lawira nga hai ai i, katu chanauchi peung hai ai, nanai kai adeu bo.

JOBA 34:28

Huni khumichi i pahyp y naimy ana naira avum nai, khumi kamawnchi ly Tameuh teng i kasabawmra hnei ai nai aeu u nai khala, mymy ly nichi i aeu nai raawi thai.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 80:15

Jeu ly nangmy kypkyp ui iy, keung cheang pa-rei bawn nai kreip keung ai atleu kyh ba!

THEU NAI 3:7

Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

LEU KACHENG 21:13

Khumi kamawnchi i vo tangam nai raawi thai ai nai ngai y nai khumi ly mymy naimy kasabawmra hnei nai, vo tangam nai khala ly ami py thai ai ny y.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

Solomon i khulym 7:6

Nang ly khri pa-rei mo-cha hawi parai; khrei ai hawi parai nai mo-cha hawi angym nai ne.

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 1:6

Kheupadawi dengdairei lu tym pa-rei, nangchi i tlang bom verei ly tamo kalem chym y na bo. Abei ako nai tamochi, tamo kangtha, kangngymchi hawimy kawi nai ne. Huni tamo kalemchi ai pasawp iy kanih hawi bam y rai, asi py so y rai.

ISAIA 27:2

Huni neng khala Areng ly mymy i apu parai nai kreip akho molam y,

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 3:17

Na i py kai ly nichi ai lu vau tabiuliu iy pajeng ai,” napi.

ISAIA 30:12

Na i py Israela chengchi i chai parai nai Tameuh my, “Nangchi ly kai i leu tahm khai u y naimy, khrukhra naira hawi tapawp naira naini a-ym u bo.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 59:14

Adyh adawi naira ly kamlo y paryh nai avum iy, kateng lam py sahawi y ahai pajau y. Tara chih nai meingtymchira y kateng lam by y. Ka-ym awm naira ly khaw pajau y.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

ISAIA 62:5

Mymy ly nang ai deaung vawi nai anglo kamta pom ai. Deaung vawi nai anglo ai, aju palyn nai keung my khrei nai kamta, Tameuh my nang ai tamen ai.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 24:2

Angchei i teaung y ly myn manme nai thaidu athai kahawichi awm; takhra teaung hareira y ly cha ai nai ngo y nai veaungrang nai thaidu athaichi awm.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

Ezekiela 22:29

Huni meingtym y awm nai khumichi ly kamjau kamteang sa iy lawm u. Nichi ly khumi kamawnchi ai ana iy, cheng takhrachi ai kamjau kamteang ana u nai ne.

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

HABAKKUK 1:3

Nang ly ati mana nai y kaichi i tlang tleaung y, hina nai ngari kamtang hawi, hawi y naira avum hai lawh mo? Kaichi ly khrukhra naira, lawm taphra nairachi avum nai ne. Meingtym tleirei y ka-jo ka-thui hawi a-ei naichi py avum nai ne.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

MATTHAI 23:23

“Nangchi Reita patiu nai keungchi hawi Pharisai tapawp naichi awi, nangchi ly taham si! Seaungsyn hawi chamaw hawi chija py nangchi ly horei y harei pei u i, Reita leu aly len keh nai, hawi naira py, pahen naira py, ka-ym awm naira py so u y pasi lawh: na i py hunichi nangchi sa ai nai tla veng, naibaly tuni py sa ai khai su ai nai tlo y leang.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.