ISAIA 5:5 - Khumi Common Language Bible

⁵ “Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 5:5 Iomraidhean Croise

ATITI AWM ANGCHEI NAI 11:4

“Vai ly achi khaileaung pri verei y ahei y ai nai hawi amyn amthang jo ai nai, mary pui hawi kani angteu nanai pa-rei asang nai yhm pui so u sina,” nanai arum u bo.

ATITI AWM ANGCHEI NAI 11:7

Achi chei iy mychi tengtawi pany thai y ai nai leu athli hai piupa vui sina,” napi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

SAM 89:40

Nang ly ni i mary pui apaichi ai taphra iy, ni i amtangrachi py panawi pi pawn bo.

SAM 89:41

Ni i sahawi mang aki aleaung nai khumi bawibawichi ly ni i yhmtheaung katuichi paviu u; ni i yhm deaungpachi my py panui hai bo.

LEU KACHENG 24:31

Hunichira y achachi prau mang iy kabeng alengchi prau mang nai py niu; huni akho bai hawi, li kamki lengseaung apaichi ly anawi seaungkhrang na veng bo.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 28:18

Nangchi ly dei areng hawi amsawi amnai asa nai taphra iy, tavau pri hawi ka-lyra nga nai py, taphra pawn ai nai tla. Ka-jeira ang tym nai khala y nangchi ly sum u ai.

ISAIA 28:3

Huni neicha ala nai lu sa nai keungchi i amlyh am-e nai ly kheu hawi chiu piu nai avum ai.

ISAIA 32:10

Nangchi ly vai, paleung tienem naimy awm u teu i py, amlo hini neng y paleung phra u ai. Ati mana nai mo nabaly nangchi pakym achu ai nai kreip athaichi nga u ai ny y nai deaungkho y ne.

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 21:4

Israela chengchi i Areng Tameuh my Zedekiah teng y leu pei nai ly “Zedekiah awi, kai ly mary katanmeuh nai Babulon samrang hawi ni i tavaimichi ai tiu ai nai, nang i tavaimichi sum hai ai. Tavai ateaungchi ai ly mary umtang y kachu ai.

JEREMIA 28:8

Nang hawi achi i deung ny y rai nai, jangni i amochi my thui nai ly khumi cheng cheaungkhangchi hawi sa thai naira len nai prichi py, tavai ka-jeira, takang theu nai hawi, no kanghawi avum u ai, nanai thui u rym nai ne.

JEREMIA 45:4

“Na i py kai Areng ly kaimy i palum naichi ai taphra iy, ui naichi py akyn teang nai ne. Khaileaung pri verei y hina nai kamta kasa ai.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

TANGAM NAI LEU 4:12

Meingtym tleirei i khumichi hawi cheng takhrachi i samrangchi ly mani paleung ka-e py, Jerusalem mary apaichi theung y kun pajau ai, nanai ym y.

DANIELA 8:13

Naibaly kani pri amtaw thau nai leaungrei my takhra leaungrei teng y, “Paleung mei y niu nai leaungsaichi ly mana tanrei kra ai mo? Kani tleirei apathyp ai nai i jeng y, ka-jei hawi nai kamngo sa lawh nai py, kani mang tavailuchi hawi Achura yhm ai chiu piupa nai py, mana tanrei kra ai mo?” nanai deng nai ai kai, thai nai ne.

HOSEA 2:12

Ni i tavawichi my langseaung palawn iy ni ai pei nai kreip keung, thaidu keungchi py, kaimy taphra pi vui ai. Kai ly ni i kreip akho hawi thengthai akhochi ai, daichi mawichi my taphra nai deaungkho y, kabeng aleng kawi nanai meingtym lawm hai ai.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

AMTENG HAI NAI 11:2

Na i py achura yhm kalen pui angam mang i apai theung i lyum ai ly pata y naimy khai su; huni ai ly Cheng Takhrachi teng y au nai bo:nichi ly lo vui palyh pa-ngo lo nyhrei sala y avang kachai ai ly kheu y chiu teuteu ai.