ISAIA 48:2 - Khumi Common Language Bible

² Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 48:2 Iomraidhean Croise

NEHEMIA 11:1

Lu sa naichi ly Jerusalem mary y awm u; takhra khumichi ly yhm dengtheung horei y deaung deaungrei, Jerusalem mary kachaira y hawi, huni bo i khumichi ly takhra mary katheang kalenchira y py, awm hai ai nai tambe va u bo.

NEHEMIA 11:18

Levi theaung 284reichi ly Jerusalem mary kachai theung y awm u nai ne.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 47:4

Israela chengchi i chai parai nai Tameuh ly kaichi ai law tleaung hai bo. Mymy i amyn ly ati cheaungkhang sa thai nai Areng ne.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 51:15

“Kai ly nangchi i Areng Tameuh ne. Pangli tui ai kaimy lilu iy, tui sampyh kamsauchi lawm hai ai. Kai i amyn ly ati cheaungkhang sa thai nai Areng ne na a!

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 44:26

Na i py Aikupta pri y awm nai Israela chengchi teng y kai, Areng ly kaimy i nang parai nai amyn y adeu nai ly vai nangchi tangai u. Nangchi vaineng asa u naira y, ‘Areng ly heng nai ne!,’ nanai kai i amyn thui ai nai mo mang y mana khala py nangchi ai kang pei ai ny y.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MATTHAI 27:53

nichi ly mymy i angthau bi nai bo y angawm i dengdairei theu iy, avang kachai y kun u i, khumi neangneangchi teng y amteng u bo.

MATTHAI 4:5

Huni pajau khala y diabola ly mymy ai avang kachai y hawi i, achura yhm kalen pui saleung kamsui y angdo hai i, mymy teng y,

ROM AVANGCHI TENG Y PAWLA I CHA PA NAI 2:17

Na i py nang ly Juda amyn apu makho iy Reita ai ym i Tameuh ai amlyh;

AMTENG HAI NAI 11:2

Na i py achura yhm kalen pui angam mang i apai theung i lyum ai ly pata y naimy khai su; huni ai ly Cheng Takhrachi teng y au nai bo:nichi ly lo vui palyh pa-ngo lo nyhrei sala y avang kachai ai ly kheu y chiu teuteu ai.

AMTENG HAI NAI 21:2

Naibaly avang pui kachai, Jerusalem kangtha ly, deaung vawi nai anglo ly mymy ai palyn nai keung i vui y asa tarengdeng nai angveirym nai kamta, Tameuh teng i dengdairei kathiu nai kaniu.

AMTENG HAI NAI 22:19

naibaly amimi py hini cha-iu thui yb nai leu sai la vui baly, hini cha-iu y tajiu nai heng naira dengkeaung hawi avang pui kachaira y ni i phy nga nai ly Tameuh my la pi vui teang ai.

TARA CHIH NAI KEUNGCHI 17:13

Mikha my, “Vai, kai ly Levi theaung khumi leaungrei ai, kaimy i pathyp pi nai keung kalop sa ai nai kanga bo; hunai deaungkho y Areng ly cheaungkhangra y kai ai lo-pa kau haiai,” nanai thui bo.