ISAIA 41:2 - Khumi Common Language Bible

² Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 41:2 Iomraidhean Croise

ATITI AWM ANGCHEI NAI 11:31

Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

2 ARENG KEH 13:7

Suria samrang i khaileaung spryh kamta taphra naira avum nai deaungkho y, Jehoaha teng y keaungngo risa leaung vuipangrei, tavai ka-ri horei hawi tavaimi leaung 10,000 rei naini awm khyh bo.

2 NENG SATANG 36:23

“Hini ly Pasia empara samrang Kuru i leu pei nai ne. Kani pri mang y awm nai Areng Tameuh my, kai ai khaileaung pri verei peang hai iy, Juda pri Jerusalem mary y mymy i vui Achura yhm sa ai nai kalop kai teng y au bo. Tameuh i khumichi napi nai khumi bawibawichi ly Jerusalem mary y chei u. Tameuh ly nangchi hawi vanrei awm hai sy,” napi.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

ISAIA 40:24

Nichi ly ui iy tangjyn pala khyp nai keungchychi hawi atawm. Areng ly ali aho hai nai khala y, huni keungchi ly jei iy maidym kamta ahei pawn nai ne.

ISAIA 41:25

“Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

ISAIA 41:3

Ni my paleung ka-echi ai pareng nai ly chymme naimy amsa i, rang parai nai deaungkho y, ni i kheu ly khaileaung y abi y na ly!

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,

ISAIA 45:13

Ati cheaungkhang amsym iy, kai i dawn pasym nai angym hai ai nai kaimy kypkyp my samrang Kuru ai kapacheang nai ne. Ni i tako ai nai lam ngierei taw hai ai. Ni ly kai i mary pui Jerusalem mary ai sa palum teang iy, langheng hawi nai kai i khumichi ai lawi tleaung hai ai. Hina naichi sa hai ai nai ni ai ami py alai y, un langseaung py pei y,” napi. Hini ly ati cheaungkhang sa thai nai keung Areng i leu pei nai ne.

ISAIA 46:11

Kai ly nisi mang i khumi leaungrei ai kapalau ai. Ni ly ahmtlau kamta taba kathiu iy, kai i pasym yb nai kalopchi sa pi ai. Hini ly kai i thui nai leu ne i, hina nai kamta tym takengkei ai.

ISAIA 48:15

Ni teng y leu pei iy palau nai keung ly kai ne. Kai ly ni ai lam patei iy, eaung naira pei pi bo.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

HEBRAI 7:1

Hini Melkisadeka, Salem i samrang, Salo Kangteng Tameuh i pathyp pi nai keung my Abraham ly arengchi ai pajau nai vawi nai kha y lamchung i amtheaung hai.

AMTENG HAI NAI 16:12

Hunaibaly tariu i nai ly mymy i khau i nai Euphratis jangpang y leu bo; hunaibaly nisi mang i dengdairei jeu nai samrangchi i vui y lam sa rym ai nai huni i tui ly kang veng bo.

AMTENG HAI NAI 7:2

Naibaly Tameuh kangheng i pajawp typ nai ka-ma-ra syn naimy kani pri i amtaw thau nai takhra ai ly kani theu naira y kalau nai kaniu; naibaly mymy ly kani pri i amtaw thau nai leaung palyhrei; kacheng hawi pangli y atiti hawi y nai sa hai thai ai nai leu nga naichi teng y ly tao pajeng parai naimy,