ISAIA 40:3 - Khumi Common Language Bible

³ Raawi harei my, “Daichi ka-vymra y Areng jeu ai nai lam so u rym! Achi i Tameuh jeu ai nai lam pachai u!

ISAIA 40:3 Iomraidhean Croise

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 40:4

Kathiu kacheaung ngiereichi padyh iy, mawi katheang kalen bawibawichi panawi u. Mawi aheungchi ly padyh vui iy, adyh acho y nai meingtym ly padyh pawn veng ai.

ISAIA 43:19

Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

ISAIA 49:11

“Kai ly mawi aheungbanchira y, lampui lamlen kasa prei ai. Kai i khumichi i vui y khuleaung lam sa pi rym ai.

ISAIA 57:14

Areng my, “Kai i khumichi ai kai teng y vawi hai u. Kai i khumichi tako nai lamra i, khangmui ka-cheung awm nai ngierei hie u pawn! Lam sa iy angvei u rym!

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

JOHAN 1:23

Naibaly ni my ly, “Amo Isaia i thui pi nai kamta, ‘Areng i lam pataw u,’ nanai daichi ka-vym y aeu nai keung i raawi ne kai ly,” napi.