ISAIA 40:2 - Khumi Common Language Bible

² Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 40:2 Iomraidhean Croise

ATITI AWM ANGCHEI NAI 34:3

Na i py ni ly neampachy ai khrei ryp i, mymy mang y paleung apei thai ai nai parawi.

2 NENG SATANG 30:22

Areng ai chiu naira y tamang y naimy pahawi pi nai deaungkho y, samrang Hezekia ly Levi theaungchi ai palo nai ne. Nichi ly mymychi amsi pajochi i Areng Tameuh ai palo iy, kani saryh ryrei apathyp u chum nai khala,

SAM 32:1

Amy i kamngochi lawira nga iy, sa tamang naichi molam y, law tleaung naira nga nai khumi ly taham hawi.

SAM 85:3

Nichi ai kado theu hai y leang bo i, nang i khri pa-rei kado theu naira py rym vui bo.

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 53:5

Na i py achi i kamngo molam y, no pei nai tamo kalemchi nga iy, achi i hawi y sa nai molam y khyh pakhau nai avum nai ne. Ni ly huna nai kamngo pajeng nai kham pi nai deaungkho y, achi ly kamngo lawira nga bo. Ni i nga nai tamo kalem saho y, achi ly no hawi naira nga nai ne.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 54:15

Nang ai ang tiu nai khumi leaung leaungrei awm lawh teu baly, huni khumi ly kai i kangai ny y. Nang ai tiu nai ngiereichi ly sum ai.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 6:7

Ni ly kai i labeaungteng y mai-ai hawi tabi i, “Nang i labeaungteng ly hini mai-ai hawi tabi chum nai deaungkho y, nang ly kamngo by y, nang ly kamngochi lawira nga veng bo,” napi.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

ISAIA 66:13

Amhm my chanau ai paleung awm hai nem nai kamta, kai ly nangchi ai Jerusalem mary y paleung awm hai nem ai.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 17:18

Kai ai pahyp y naimy ana naichi ai kangji nga hai iy, kai ai kangjira i nai lawi hai ba. Nichi teng y kaso tahyn theu nai paleung kawi hai ly kai ai ly kaso tahyn theu hai moh ba. Nichi i tlang tleaung y ka-jeira tym hai iy, nichi ai phra hai pawn ba.

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

JEREMIA 51:10

Areng ly “Kai i khumichi my, ‘Achi ly hawi, nanai Areng my patei bo. Achi ly Jerusalem mary i khumichi teng y chei iy achi i Areng Tameuh my sa nai atitichi thui u sina,’ nanai aeu u bo,” napi.

TANGAM NAI LEU 4:22

Zion mary ly my i kamngo vang apei nai tem bo; Areng ly achi ai pri pala naira avum hai ai ny y leang bo. Na i py Edom pri awi, Areng ly nang ai pajeng ai; nang i sa nai kamngo pany hai pi ai.

Ezekiela 16:42

Naibaly kai ly kado theu nai rym ai i, awmnem ai; kado theu bi ai ny y, ka-e paleung py awm bi ai ny y leang bo.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

DANIELA 12:9

Ni my pathang nai ly “Daniela awi, khaileaung pri tem khala khrairei, hini leuchi ai tamym me nai deaungkho y vai, nang ly chei ai nai tla ai.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

DANIELA 9:2

Ni i peang angchei nai saneng y kai, Daniela ly baibul leusaichi amtiu i, amo Jeremia teng y Areng my leu pei nai kamta, saneng vui saryh tym pa-rei, Jerusalem mary phra ai nai satangchi adawn pasym bo.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.

HOSEA 2:16

Huna nai khala ni ly kai ai Bala, nanai palau y naimy, juvo, nanai palau ali teang ai.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

ZEPHANIAH 3:15

Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

ZEKHARIAH 1:13

Areng ly kani pri amtaw thau nai teng y paleung pahawi nai leuchi thui pi nai deaungkho y,

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

ZEKHARIAH 9:12

Nangchi pri pala naira avum nai khumichi awi, vawi u ali teang; athang khai naira awm u bo. Nangchi ly phrumai by y nai meingtym y vawi u teang. Nangchi i avum nai ngari kamtang tleaung y amtheaung naira phy nyhrei nangchi teng y kang pei ai, nanai vai, kaimy kang thui pi bo.

AMTAW 1:7

Naibaly ni my ly nichi teng y, “Ngaai my neng hawi kani mymy ngaingai awm ai nai sa rym nai ly nangchi pany ai nai avo y leang.

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,

AMTENG HAI NAI 18:6

Huni i chih nai kamta khyp my chih u teang, mymy i atiti sa nai kamta ly phy nyhrei heung u ly:mymy i atiti katlen yb nai khau y ly mymy i vui y phy nyhrei katlen hai u.