ISAIA 4:4 - Khumi Common Language Bible

⁴ Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 4:4 Iomraidhean Croise

SAM 51:2

Kai i hawi y nai chai pyn pa-rei paju pachai pi! kai ai kamngora i nai chai hai kyh ba!

Solomon i khulym 3:11

Zion mary i neampachychi awi, jeu u ly Samrang Solomon ai khen u. Ni ly mymy i apom nai kanih hawi amo theu nai kani y amhm my pei nai samrang lukhym adeung nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 1:25

Kai ly nang ai bawi la iy kang pajeng ai. Tamo ngan ai pachai nai kamta, nang i kakhawi kangjenchi py pachai iy, nang ai kachai sa ai.

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

ISAIA 9:5

Tiu ai jeu nai tavaimi paleung ka-echi i phainaichi hawi thi akau nai ateaungchi ly mai leng pawn nai avum u ai.

JEREMIA 9:6

Nichi ly kamngo sa ai nai khai su y. Nichi ly li-tapawp u tamyhtyh nai ne. Areng my mymy i khumichi ly kai ai khai su bo, napi.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

Ezekiela 22:15

Kai ly nang i khumichi ai pri tleirei hawi, khumi cheng cheaungkhangchi theung y ahei hai iy, nang i hawi y sa naichi anawn hai ai.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 36:29

Nangchi ai chai hai y nai ngiereichira i nai chai hai vui ai. Tahum takang avum bi y ai nai choh bai palo nang hai ai.

ZEPHANIAH 3:1

Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?