ISAIA 39:3 - Khumi Common Language Bible

³ Naibaly Isaia ly samrang Hezekia teng y chei iy, “Huni khumichi ly manira i jeu u nai mo? Nichi my nang teng y ati thui u mo?,” nanai deng. Hezekia my, “Nichi ly khri pa-rei palo nai Babulon pri dengdairei jeu u nai ne,” napi baly,

ISAIA 39:3 Iomraidhean Croise

2 SAMUELA 12:1

Areng ly amo Nathan ai Davida teng y pato nai deaungkho y, Nathan ly chei i samrang teng y, “Kanirei nai khala y mary hareira y khumi leaung nyhrei awm. Leaungrei ly nang i, leaungrei nai ly mawn parai.

2 NENG SATANG 16:7

Huni neng khala amo Hanani ly samrang Asa teng y chei iy, “Samrang nang ly nangmy i Areng Tameuh ai paleung pado y naimy, Suria samrang ai paleung pado lawh nai deaungkho y, Israela tavaimichi ly nang teng i nai tleaung veng bo.

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

2 NENG SATANG 25:15

Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

ISAIA 38:1

Huni neng thymthang khala y samrang Hezekia ly deivi na pa-rei no nai ne. Amoz i chapo Isaia ly no de ai nai samrang teng y tym i, “Nang ly tuni no naira i hawi ali teang ai ny y nai deaungkho y, nang i kangkhym kangtem leu taviu ai awm naichi taviu ai nai, Areng my leu ang pei bo. Hunai deaungkho y dei ai nai angveirym ba,” napi.

ISAIA 38:5

Hezekia teng y pato ali teang bi i, “Nang i amsi pajo Davida i Tameuh kai, Areng ly nang i chiu sa hnei takeng nai thai i, nang i meikatuichi kaniu bo. Kai ly nang ai mo mang y saneng holai pangrei heng ai nai kang pei ai.

ISAIA 39:4

“Nichi ly samrang yhm theung y atitichi niu u mo?,” nanai deng. Hezekia my, “Nichi ly samrang i yhm theung y awm nai ngiereichi niu u bo. Vawnsai ateaung khaira takunchi ra y, nichi ai patei y nai ati sai py by y,” napi.

JEREMIA 4:16

Nichi ly pri kamlo mang i dengdairei paleung ka-echi ang jeu u bo, nanai khumi cheng cheaungkhangchi teng y pany hai iy, Jerusalem mary y thai hai u bo. Paleung ka-echi ly Juda marychi ai ryh nai katyn sa u ai.

JEREMIA 5:15

Areng my Israela mipuichi teng y, “Kai ly nangchi ai tiu hai ai nai pri kamlora i khumi kamkawm harei kang hawi ai. Nichi ly atho len iy jangni jangkhawn i khumi cheng, nangchi pany thai y nai leu katheu nai khumi cheng ne.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

JOSUA 9:6

Naibaly nichi ly Kilakala meingtym y tai u nai Josua hawi Israela chengchi teng y tym u i, “Kaichi ly nangchi hawi ka-dyh ka-dawi leu sumneang asa ai nai, kamlo dengdairei kang jeu u nai ne,” napi.

JOSUA 9:9

Huna khala nichi my, “Kaichi ly nang i Areng Tameuh i nang parai nai satang thai nai deaungkho y, khri pa-rei palo parai nai pri dengdairei kang jeu u nai ne. Aikupta pri y sa nai ngiereichi py,