ISAIA 32:4 - Khumi Common Language Bible

⁴ kado theu nai paleung hawi so y naimy tau kacheng hawi sa iy, meitang khyp katheu u ai.

ISAIA 32:4 Iomraidhean Croise

THEU NAI 4:11

Huna nai khala Areng my, “Khumi ai ami my leu katheu hai mo? Khumi ai ami my kano pang hai mo? Khumi ai mei angvang hai nai, ti y baly mei paju hai nai keung y ami mo? Kai Areng my ny y lawh sai a?

Solomon i khulym 7:9

nang i labeaung ly tuikeh nai kreip hang hawi py atawm, nanai kai athang khai. Huna lawh baly huni kreip hang ly kai i khrei nai nang i labeaungteng hawi, hochi sala i nai tao aleaung mang hawihai palai leaung jo sy.

ISAIA 29:24

Khumi ka-khumchi ly pany thai naira nga u ai. Tangam nai khumichi hawi paleung kyhchaw nai khumichi py, thui parip nai ai amo theu parai naimy tangai u ai.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 35:5

Mei kamjuchi ly mei angvang u ai. Kano kapangchi py kano ha u ai.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 16:17

Naibaly Isu my ni teng y, “Simon Bar-Jona, nang ly taham hawi mang: huni satang ly thi hawi ngan ly nang teng y amteng hai nai ny y leang, kani pri mang i Ngaai my amteng hai nai teu.

AMTAW 4:13

Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

KALATIA 1:23

nichi ly, Jangni y achi ai ana reng nai khumi ly, jangni y ym nai leu ai taphra reng nai ly vai ly huni i leu thui pi lawh, nanai amichi i thui nai harei pany u khyh.