ISAIA 3:9 - Khumi Common Language Bible

⁹ Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

ISAIA 3:9 Iomraidhean Croise

ATITI AWM ANGCHEI NAI 13:13

Sodom mary i khumichi ly aso y nai deaungkho y, Areng i mei ka-niu y kamngo nawi nai khumichi ne.

ATITI AWM ANGCHEI NAI 19:34

Pa-nyh kani y ly amjo my amnau teng y, “Jangdym kai ly i ahawi bo, vai dym py kreip hang panei bi sina; nang py kai kamta ni hawi i ba; huna khala naini ngaai i saho y ani ly cho chanau nga ai,” napi.

ATITI AWM ANGCHEI NAI 4:5

Na i py Ka-ina hawi mymy i ati ti talam nai ai ly kawn pi y. Hunai deaungkho y Ka-ina ly khri pa-rei kado theu i, my i meimai takhuisui na.

2 ARENG KEH 9:30

Jehu ly Jezarela mary y tym; Jezabela ly atiti satang thai yb nai deaungkho y, my i meikhymra an amthym, sam py ka-pu sa iy samrang yhm thaibeng pa-kho mang lam mang y khen angdeang bo.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

LEU KACHENG 15:32

Patiu pi nai ai tangai y nai khumi ly amy ai sum hai nai khumi ne. Thui parip nai ai tangai reng nai khumi ly cheng tleaung chengra ai.

LEU KACHENG 30:13

Phyrei khumichi ly mymychi ai khri pa-rei khumi kahawichi ne, nanai apalawn u reng. khrikhri pa-rei khumi kahawichi ne, nanai athang khai u lawh ly!

LEU KACHENG 8:36

Kai ai hau iy niu y nai khumi ly amymy ai no patang hai nai khumi ne. Kai ai niu ngai y nai khumi ngiereichi ly dei areng ai khrei nai khumichi ne.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 3:16

Areng my, “Jerusalem mary i neampachychi ly mana tanrei paleung len na mo, nanai khen u cham! Nichi ly lu deangtheang iy tako u reng. Avawrei kamlai kam-e sa u nai ne. Nichi i kheukanchi ly khen apu parai i, nichi i khichangchi py tyn sorang na bo.

ISAIA 57:20

Na i py khumi hawi y naichi ly avaw by y nai tui sampyhchi my tabeang iy, aneaung kapan hawi cheaungnangchi amjau hai nai pangli tui hawi atawm nai ne.

ISAIA 59:12

“Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 16:30

Sa thai naira angym nai Areng my leu pei nai ly “Nang ly kangji by y nai bima kamta, hina naichi sa bo.

Ezekiela 16:49

Ni hawi ni i chaniuchi ly paleung len naimy kajeu kawi ala nai, ami ai py tahm khai y iy khumi kamawnchi hawi avaw nai khumichi ai sabawm u y.

Ezekiela 23:16

Huni mynchi ai niu phai niu baly ngai phi nai paleung awm nai deaungkho y, Babulon pri y awm nai huni khumichi teng y savaichi pato nai ne.

DANIELA 7:20

Naibaly kai ly ni i lu y awm nai taki horei satang ai py, huni bo y sai nai takhra taki thomrei ai takheaung vui iy, meichi hawi amlyh reng nai labeaung awm naimy, takhra takichi tleaung y jei ai hawi nai taki katheang satang py, pany ai nai ngai.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

HOSEA 5:5

Israela khumichi i paleung len amlyh nai sai ly mychi i vui pany hai ai. Nichi ly mychi i kamngo molam y atlym u nai ne. Juda khumichi py, nichi hawi vanrei atlym u bo.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

AMTENG HAI NAI 11:8

Naibaly nini i Areng ai kraws tleaung y tahen naira, phailo mang i dawn pata naira y ly Sodom hawi Aikupta napi nai avang kalen pui i lam ly nini i veu awm hawi ai.

1 SAMUELA 15:32

Samuela my, “Samrang Akad ai kai teng y jeu hai,” napi. Akad my, “kai ly deira i nai kalawi bo,” nanai adawn i, jei hyn naimy ni teng y chei.