ISAIA 3:10 - Khumi Common Language Bible

¹⁰ Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 3:10 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

THEU NAI 1:20

Deaungdi syn nai keung nini ly Tameuh ai tahm khai nai deaungkho y Tameuh my nichi ai yhm dengtheung cho chanauchi amtheaung hai. Naibaly Hebrai chengchi py peung ryh peung ryh i, haiho py len ra nai ne.

LEU KACHENG 10:6

Khumi kahawi ly amtheaung nairachi nga ai. Khumi hawi y nai i leu ly my i pahyp y nai paleung ai tamym reng nai ne.

LEU KACHENG 12:14

Khumi ly mymy i sa nai, katheu naichi molam y kawn vang nga; amy i sa nai molam y, hawi nai hawi y nai amtym ai.

LEU KACHENG 13:21

Kamngo sa nai khumichi chei naira y, taham kasi abang reng; na i py khumi kahawichi ly hawi naira nga u ai.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

JEREMIA 15:11

Areng my, “Kai ly hawi naira nga ai nai nang ai atleu ai. Ka-jeira hawi paleung ka-mawn tym nai neng khala, nang i paleung ka-echi ly kai teng y ahui u ai,” napi.

JEREMIA 21:14

Na i py nang i sa naichi molam y kang pajeng ai. Kai ly nang i samrang yhm y mai kang hai ai. Huni mai ly tengpang sahawi y awm nai ngiereichi kang bebe ai. Hini ly kai Areng i thui nai leu ne,” napi.

JEREMIA 22:15

Khumi takhrachi i yhmchi tleaung y apu keh pa-rei, saitleang keung hawi yhmchi sa pajau nai deaungkho y nang ly hawi keh nai samrang lawm bo a? Nang i ampo ly amo theu parai naimy awm iy hawi naira hawi leu meitang teaung jojo nai ne. Ni i sa nai ngiereichi ly eaung naira nga.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

Ezekiela 18:20

Kamngo sa nai khumi ly dei ai nai khumi ne. Chapo ly ampo i sa nai kamngochi molam y pajeng naira avum ai ny y. Ampo py chapo i sa nai kamngochi molam y pajeng naira avum ai ny y. Khumi kahawi ly kahawi sa nai molam y hawi naira, khumi hawi y nai ly hawi y sa nai molam y hawi y naira avum ai.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

LUKA 19:19

Naibaly mymy ly ni ai py, ‘Nang py avang pangrei y peang,’ napi.

Leu Thui Nai 12:25

Hini reitachi ai tangai iy patawm nai ly Areng my kawn nai ne. Hunai deaungkho y nangchi hini reitachi patawm baly, nangchi hawi nangmychi i kangpreangchi py hawira nga u ai.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.