ISAIA 3:1 - Khumi Common Language Bible

¹ Vai ly aw Areng, ati cheaungkhang sa thai nai keung Areng ly khumi mipuichi my paleung pado nai khumi ngiereichi hawi vawnsai ateaung ngiereichi ai, Jerusalem mary hawi Juda pri dengdairei, vym pi pawn ai bo. Mymy ly nichi i teicha teineichi vym pi pawn ai.

ISAIA 3:1 Iomraidhean Croise

2 ARENG KEH 25:3

Huni saneng palyh lo, kani takawrei kani y khrikhri pa-rei cha nei takang nai deaungkho y, khumichi ly teicha teinei pipi by y na bo.

SAM 105:16

Areng ly nichi i pri y teicha teinei takang hai nai deaungkho y, teicha teinei avaw nai khala y,

ISAIA 1:24

Hunai deaungkho y sa thai naira angym nai Israela chengchi i Tameuh, ati cheaungkhang sa thai nai keung Areng my leu pei nai vai, tangai ba. Mymy ly “Kai ly kaimy i paleung ka-e napi nai nangchi ai vawitheung tha ai i, nangchi ly kai ai mana mo i py, khrukhra hai pajau ai ny y.

ISAIA 2:22

Dei nai amjy napi nai khumichi ai ym naimy paleung apado u moh. Nichi ly ati kamran awm mo?

ISAIA 3:16

Areng my, “Jerusalem mary i neampachychi ly mana tanrei paleung len na mo, nanai khen u cham! Nichi ly lu deangtheang iy tako u reng. Avawrei kamlai kam-e sa u nai ne. Nichi i kheukanchi ly khen apu parai i, nichi i khichangchi py tyn sorang na bo.

ISAIA 36:12

Huni khumi my, empara samrang ly nang hawi nangchi i samrang teng y naini, hini leuchi thui pi ai nai kai ai pato nai ne, nanai athang khai u a? Kai ly mary apai salo y ateh u nai khumichi teng y py thui pi nai ne. Nichi py nangchi kamta amychi i ei cha iy, amychi i sakhawn hang nei u teang ai nai tla ai,” nanai thui pi bi bo.

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

ISAIA 9:20

Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!

JEREMIA 37:21

Hunaibaly samrang Zedekiah ly samrang yhm apai theung y kai ai deaungki thiu iy khai ai nai leu pei bo. Kai ly mary i takochi khei nai pa-rei, tako paawp naira i tako kanirei y phi harei kanga. Huna nai kamta kai ly samrang yhm apai theung y kaawm nai ne.

JEREMIA 38:9

“Samrang awi, hini khumichi i sa naichi ly tamang bo. Nichi ly Jeremia ai tuikan theung y pala u veng bo. Ni ly kajeu kanglam y dei angchi ai. Mary theung y py teicha teinei by y bo,” napi.

JEREMIA 52:3

Jerusalem mary hawi Juda pri i awm nai sai ly pipi hawi y nai deaungkho y, Areng ly kado theu i, mipuichi ai pri pala nai avum hai bo. Zedekiah ly Babulon samrang Nebukhadnezar ai tiu nai deaungkho y,

JEREMIA 52:6

Huni saneng palyh lo, kani takawrei kani y khri pa-rei cha nei takang nai deaungkho y, khumichi ly teicha teinei pipi by y bo.

TANGAM NAI LEU 5:4

Kaichi ly kaimychi nei ai nai tui molam py, vang pei ai nai tla. Theng py van ai tla nai ne.

Ezekiela 14:13

Mymy ly “Nang khumicho awi, pri harei ly kamngo sa iy kai i tlang tleaung y ka-ym by y lawh baly, kai ly kiu pheu iy huni pri y teicha teinei avaw hai ai. Tahum takang theu hai ai i, khumichi hawi tawnbawichi raurei katamyh ai.

Levi 26:26

Kai ly teicha teinei takang hai nai deaungkho y, neampachy leaung horei paawp ai nai tako ly neampachy leaungrei my paawp ai nai takeang harei ka-lawn awm khyh ai. Nangchi ly huni tako apaji iy lawnlen y naimy cha u ai.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

MIKHA 4:9

Nang ly ati mana nai y tao pajeng parai naimy aeu lawh mo? Deaungdi tapen nai neampachy kamta, ati mana nai no patang naira avum lawh mo? Nang ai peang nai samrang by y nai deaungkho y a? Nang i adeng ahui nai khumichi dei pawn nai deaungkho y a?