ISAIA 27:4 - Khumi Common Language Bible

⁴ Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

ISAIA 27:4 Iomraidhean Croise

2 SAMUELA 23:6

Na i py Tameuh ai pany y nai khumichi ly aphi su nai aleng keungchi hawi atawm; huni aleng keungchi ai ly ami py kiu hawi syn pajau y.

2 SAMUELA 23:7

Hunichi ai syn ai nai tamo ateaung, ti y baly tivi teaung ai nai tla; huni aleng keungchi ly mai hawi leng iy taphra naira avum ai.

SAM 103:9

Mymy ly sa tamang nai y avawrei jo preng y; mymy ly kado theu jojo y leang.

SAM 85:3

Nichi ai kado theu hai y leang bo i, nang i khri pa-rei kado theu naira py rym vui bo.

ISAIA 10:17

Israela chengchi i kangvang ne iy, chai parai nai Tameuh ly aleng keung amjy cheaungkhang takhawi y naimy, ati cheaungkhangchi ai kanirei y my kang hai nai mai kamta atawm ai.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 33:12

Nangchi ly theung palawn ai nai mai paawp nai lengseaung kamta py, maidym lawm pa-rei kang nai aleng keung kamta py, dei lawm u veng ai.

ISAIA 9:18

Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

HEBRAI 6:8

na i py kabeng aleng awm nai hawi preaung deaungchi patheu baly tapeang i, amsawi lawi naira nga vi iy, kangkhym y ly mai leng ai nai tla lawh veng.

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;