ISAIA 27:3 - Khumi Common Language Bible

³ “Kai ly hini akho ai avawrei khen iy tui kaleih pi. Ami my py taphra pajau y ai nai vum kanithun kry pi nai ne.

ISAIA 27:3 Iomraidhean Croise

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

ATITI AWM ANGCHEI NAI 9:9

“Vai kai ly nang hawi py, nang i kangpreangchi hawi py Leu Maikawm asa ai;

1 ARENG KEH 8:59

Achi i Areng Tameuh ly hini chiu sa nai hawi hnei takeng naichi ai, neng tleirei pany pi jo sy. Mymy ly Israela mipuichi hawi samrang teng y, nichi i kani tleirei aly ngai nai hawi vanrei pahen pi na sy.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:5

Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

ISAIA 31:5

Tavo ly my i tabu salo mang akheang taki naimy cho ai kry nai kamta, ati cheaungkhang sa thai nai keung Areng ly Jerusalem mary ai ama hai iy, paleung ka-echi ai tiu ai,” nanai kai ai leu pei nai ne.

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 46:4

Kai ly nangchi i Tameuh ne. Nangchi miteaung acheang iy sampau luthym pa-rei, nangchi ai kang khen, kang kry ai. Nangchi ai kang sabawm ai, atleu ai.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

Ezekiela 34:11

“Sa thai naira angym nai kai, Areng my nangchi teng y leu pei nai ly ahei khrikhra nai bo y pakym ali teang nai beramchi ai beram typ nai keung my kry nai kamta, kai ly kaimy i beramchi ai hau iy kry ai. Kani khaileaung veng nai neng kani y nichi ahei khrikhra nai meingtym tleireira i nai, nichi ai kapalau ali teang ai.

Ezekiela 34:24

Kai, Areng ly nichi i Tameuh lawm ai. Kai i miseaung Davida ka-tawm samrang py, nichi ai peang nai samrang lawm ai. Hini ly kai i pei nai leu ne.

Ezekiela 37:14

Kai ly kaimy i phailo ai nichi teng y kapei iy, nichi ai heng hai ali teang chum baly, mymychi i saleaung khutengra y awm hai ai. Huna nai khala kai ly Areng ne, nanai nichi pany u ai. Kai ly hina nai sa ai, nanai adeu nai kamta sa ai. Hini ly kai, Areng my leu pei nai ne,” napi.

Ezekiela 37:28

Kai ly nichi theung y kai i Achura yhm awm hai jojo nai khala, kai ly Israela chengchi ai kaimy chai hai bo, nanai khumi cheng cheaungkhangchi my pany u ai,” napi.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.