ISAIA 27:1 - Khumi Common Language Bible

¹ Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 27:1 Iomraidhean Croise

JOBA 26:13

Mymy ly my i taho nai ali hawi kani khusang chai hai iy, preang veng nai pangli naka ai, mymy i kiu hawi padei vui bo.

JOBA 3:8

Levithan ai pakym pajau nai atam sarachi ly huni kani ai pasawi u sy.

JOBA 40:19

Ni ly kai i sa nai heng nai amjy bawibawichi theung y, lyh ai hawi parai na a! Sa nai keung my naini, taphra pajau khyh.

JOBA 41:1

Nang ly tuireng nam ai sakawi hawi patiu pajau na a? ti y baly ni i palai angto y na pa-rei, vuinawn hawi thang pajau na a?

SAM 104:26

Suida pangli theung y samphochi ly alika hawi so u. nang i sa nai tui naka Levithan py, amo theu nai achaw na bo.

SAM 45:3

Sa thai naira len parai nai keung awi, haisau atai ba; samrang ly sa thai naira hawi phum-ang kawi angym nai ne.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

ISAIA 66:16

Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

JEREMIA 47:6

‘Areng i Haisau awi!, nang ly mana tanrei kakra tleh veangveang ai mo? Nangmy i haisau keu theung y ahawn teang iy awm me jau bei!,’ nanai nangchi thui u nai ne.

JEREMIA 51:13

Babulon mary ly tavo neangneang awm iy yhmtheaung katuichi nang chawn nai mary ne teu i py, phra ai nai neng tym nai deaungkho y, huni i hengra ly achai baw bo.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

AMOS 9:3

Nichi ly Karamela mawi salo y aheu u teu i py, nichi ai hau iy patiu ai. Kai teng i nai tleaung ai nai pangli paichi theung y aheu lawh baly, nichi ai pajawn ai nai pangli naka ai leu pei ai.

AMTENG HAI NAI 12:3

Naibaly kani mang y ly ka-ma-ra takhra harei amteng bi bo; naibaly khen cham, naka kamsen kalen pui, lu saryhrei taki horei py awm i, lu y ly areng lukhym saryhrei amym nai ne.

AMTENG HAI NAI 13:11

Naibaly mawi kasi takhra harei, khaileaung i dengdairei theu kalau nai kaniu bi: ni ly beram cho kamta taki nyhrei awm i, naka i raawi kamta katheu bo.

AMTENG HAI NAI 13:4

naibaly mawi kasi teng y mymy i aly peang naira ang pei nai deaungkho y, nichi ly naka ai chiu u bo; naibaly nichi ly mawi kasi ai py chiu u i, “Mawi kasi kamta ly ami atawm mo? Mymy hawi tiu thai ai nai ami awm mo?” nanai thui u bo.

AMTENG HAI NAI 16:13

Naibaly naka i labeaung i dengdairei hawi, mawi kasi i labeaung i dengdairei hawi, tapawp nai amo i labeaung i dengdairei py phailo chai y nai thomrei uipho ka-tawm naimy theu nai kaniu;

AMTENG HAI NAI 17:1

Naibaly khau saryhrei syn nai kani pri i amtaw thau nai leaung saryhrei theung i leaungrei ly kai teng y jeui, “jeu ly, tui neangneangra y ateh nai neampachy kamleaung ai tara chih nai ly kang khen hai ai.

AMTENG HAI NAI 17:15

Naibaly mymy ly kai teng y, “Neampachy kamleaung ateh nai meingtym i tui nang i niu naichi ly khumichi hawi, mipuichi hawi, chengchi hawi, leuchi py ne.

AMTENG HAI NAI 19:21

Naibaly kalangchi ai ly keaungngo tleaung y atang nai labeaung i dengdairei theu nai haisau y ly tleh bo; naibaly tavo bawibawichi ly nichi i ngan cha naimy kajeu kawi u bawibawi.

AMTENG HAI NAI 2:16

Hunai deaungkho y uikhei jau; ti y naimy kang jeu praw ai i, kai i labeaung i haisau hawi nichi ai katiu ai.

AMTENG HAI NAI 20:2

naibaly mymy ly huni naka, jangni jangkhawn kha i awm nai pavui, Diabola hawi Setan napi nai ai patiu i, saneng sangrei i vui y kawm bo: