ISAIA 26:8 - Khumi Common Language Bible

⁸ Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 26:8 Iomraidhean Croise

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

SAM 106:3

Ka-dyh ka-dawi sa iy kateng sa jojo nai khumichi ly taham hawi u nai ne.

SAM 130:5

Kai ly Areng i sabawm naira ajeng nai ne; mymy i adeu nai py ym bo.

SAM 18:23

Kai ly kamngo by y nai khumi ne, nanai py, hawi y naira y amkyn nai py, mymy pany nai ne.

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

SAM 73:25

Kai i vui ly nang ny y baly kani pri mang y ami awm ai mo? Nang ly kai hawi vanrei awm baly, khaileaung pri y ati aly ngai rai mo?

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

Solomon i khulym 5:8

Jerusalem mary i neampachychi awi, kai i khrei nai keung ai nangchi avum u lawh baly, kai ly khrei phi nai paleung akawm naimy awm jo bo, nanai amti pi ai nai leu adeu u ba.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 24:15

nisi mang i khumichi my, mymy ai palo u ai. Pangli peang y awm u nai khumichi py, Israela chengchi i Areng Tameuh ai palo u ai.

ISAIA 25:1

Aw Areng, nang ly kai i Tameuh ne. Kai ly nang ai tahm pasang iy, nang i amyn palo ai. Nang ly rengrang nairachi sa nai ne. Jangni khala i dengdairei pasym pi yb nai ka-dawnchi ai meitang khyp sa pi bo.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:13

Kaichi i Areng Tameuh, kaichi ly amichi my ang peang nai avum u ai. Na i py nang leaungrei naini kaichi i Areng ne.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 51:4

“Kai i khumichi awi, kai i leu tangai u. Kai i thui nai leu tangai u. Kai ly khumi cheng cheaungkhangchi ai thui parip iy, kai i reita leuchi ly nichi i vui kangvang lawm ai.

ISAIA 56:1

Areng my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

MIKHA 4:5

Khumi cheng bawibawichi ly mymychi i tameuhchi ai chiu u akyhkyh iy leu tangai u teu i py, achi ly achi i Areng Tameuh ai deungtasa khrairei chiu iy leu tangai ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

Kati Nai 36:13

Hini reita leu pei naichi ly Jeriko mary kangka Jordan tavo peang Moba adym y Areng my Mosi dengdairei Israela chengchi i vui y pei pi nai reitachi ne.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

AMTAW 1:4

naibaly mymychi i awm achu naira y amkawm teang iy mymy ly, “Jerusalem i nai theu u moh; Ngaai i atiti adeu nai, kaimy kang thui pi nai ly ajeng u;

ROM AVANGCHI TENG Y PAWLA I CHA PA NAI 8:25

Achi ly amychi i niu thai y nai nga ai nai athang khai baly, achi ly huni ai ajeng tanga.

II THESALONIKA 3:5

Naibaly Areng ly nangchi i paleung ai ly Tameuh ai tamen naira mang y hawi, Krista i kham tanga naira mang y pahawi sy.