ISAIA 26:5 - Khumi Common Language Bible

⁵ Mymy ly paleung len amlyh nai khumichi ai tahm panem vui chum baly, nichi i awm nai khaw parai nai mary taphra vui iy, mary apaichi ai speungra y anawi hai ai.

ISAIA 26:5 Iomraidhean Croise

SAM 79:8

Amsi pajochi i kamngo nai molam y, kaichi ai pajeng moh kyh ba; vai ly kaichi ai pahen ba; kaichi ly athang khai naira by y bo.

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 24:10

Mary theung y ati cheaungkhang ahei seaungkhrang na bo. Khumichi kun thai y ai nai yhm tleireichi py, katheu akho typ veng bo.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

ISAIA 32:19

(Dengkeaung thengreungchi salo y jichi tla ai; mary py phra ai.)

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

Ezekiela 26:11

Nichi i keaungngo atang nai risachi ly nang i lamchira y tako prei ai i, khumichi ai haisau hawi tleh u ai. Nang i khaw parai nai lengseaung leungchengchi ly khaileaung y atlym pawn ai.

Ezekiela 28:17

Nang ly nangmy i mo-cha kahawi ai amlyh iy nangmy i amyn amthang naimy ly khumi ka-khum kamta lawm hai bo. Huna nai y kai ly khaileaung y khrairei tahm panem iy samrang takhrachi pany pa-rei amtiura lawm hai ai.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.