ISAIA 26:4 - Khumi Common Language Bible

⁴ Areng ai ly ym u jojo; mymy ly achi ai ama hai jojo ai.

ISAIA 26:4 Iomraidhean Croise

2 NENG SATANG 20:20

Huni bo i kani khawn angthodyh khala, khumichi ly Tekoa sahawi daichi ka-vym mang y theu u. Theu u enten nai khala Jehoshapha my khumichi teng y, “Juda khumichi hawi Jerusalem mary i khumichi awi!, nangchi ly nangmychi i Areng Tameuh ai ym u baly, angdo u pajau ai. Mymy i amochi my thui nai leu ym u baly eaung naira nga u ai,” napi.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

JOBA 9:19

Kai ly khrukhra hai ai nai atho sa ai avo na a? Tameuh i tlang tleaung y khrukhra hai na a? Mymy ai tara jeung y tym hai ai a? Hu y chei ai nai mymy ai ami my leu pei ai mo?

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

SAM 62:11

Tameuh teng y sa thai naira awm, nanai py, mymy i tamen naira ly khaw parai, nanai py, mymy i leu pei nai ly tlenrei khyh chang y nai kai kathai bo.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 62:9

Khumichi ly taho kathiu, taho kalau nai ryrei khyh; khumichi i tahm asang nai anem nai, nanai py atyhtyh teu; nichi ai nehra y neh iy khen u cham; nichi ly kaji by y leang; taho kathiu taho kalau nai ali tleaung y py jang keh.

SAM 66:7

Mymy ly nang parai nai hawimy peang jojo iy, khumi cheng cheaungkhangchi i kheulang ai khen bo. Ami py mymy ai tiu moh sy.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

DANIELA 3:17

Kaichi i chiu nai Tameuh ly kaichi ai mai pui kangveaung theung i nai py, nang i kiu i nai py, atleu pajau baly atleu ai.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.