ISAIA 26:3 - Khumi Common Language Bible

³ Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 26:3 Iomraidhean Croise

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

2 NENG SATANG 13:18

Juda chengchi ly mymychi i Areng Tameuh ai ym u nai deaungkho y Israela chengchi tlang tleaung y eaung naira nga u nai ne.

2 NENG SATANG 16:8

Ethiopia hawi Libyan chengchi theung y tavai ka-ri hawi keaungngo atang nai risa neangneang abawi nai tavaimi kamkawmchi awm nai ny y a? Na i py samrang ly Areng ai paleung pado nai deaungkho y, mymy ly samrang nang ai huni tavaimi kamkawmchi ai eaung ai nai pei nai ne.

SAM 119:165

Nang i reita leu pei nai ai paleung apei nai khumichi ly khri pa-rei paleung awmnem naira nga u nai ne; mani my py nichi ai atlym hai pajau y leang.

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

ISAIA 27:5

Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 32:17

Khumi bawibawichi ly kateng sa u nai deaungkho y, deungtasa tlamsa nai hawi chymme naimy awm u ai.

ISAIA 32:18

Tameuh i khumichi awm nai yhmchi ly chymme naimy awm ai. Huni khumichi py paleung kabi, paleung ka-mawn by y ai.

ISAIA 42:19

Kai i miseaung tleaung y mei paju nai khumi, kai i pato nai savai tleaung y kano pang nai khumi leaung leaungrei awm a?

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

JEREMIA 39:18

Kai ly nang ai chymme naimy kang khai ai nai deaungkho y, nang ai ly padei ai ny y. Nang ly kai ai ym cheng nai deaungkho y, nang ly tlang heng naira nga ai. Hini ly kai, Areng i thui nai leu ne,’ nanai leu pei nai thui pi,” napi.

DANIELA 3:17

Kaichi i chiu nai Tameuh ly kaichi ai mai pui kangveaung theung i nai py, nang i kiu i nai py, atleu pajau baly atleu ai.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:23

Samrang ly khrikhri pa-rei amo theu nai deaungkho y, Daniela ai khrangsi angawm i nai atheu kalau ai nai leu pei bo. Naibaly khumichi my atheu u i, Daniela ly Tameuh ai ym nai khumi ne nai deaungkho y, ati sai py phrumai by y nai niu u nai ne.

MIKHA 5:5

Naibaly pri py tlamsa ai. Asuria chengchi ly kaichi i pri y tiu nai, kaichi i amtangrachi taphra iy kun u nai khala y, kaichi theung y atho awm nai luchi ai pato ai i, paleung ka-echi ai tiu ai.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

PHILIPI 4:7

Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.