ISAIA 26:16 - Khumi Common Language Bible

¹⁶ Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 26:16 Iomraidhean Croise

SAM 142:2

Kai ly kaimy i ngai nai ngiereichi ai mymy teng y amti pi; kaimy i kamtang avum nai ngierei ly mymy teng y thui pi bo.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 77:3

Kai ly Tameuh i satang adawn pasym nai khala, taho sum na bo; kai ly hawihai palai dawn pasym nai khala y, paleung phra atho di na bo.

SAM 78:34

Na i py huni khumi phyreichi ai mymy dei hai teu i py, dei kamthunchi ly mymy teng y ali u teang nai ne. Nichi ly uikheih iy paleung apei parai naimy chiu sa u bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

ISAIA 37:3

Samrang my, Isaia teng y leu pei nai ly “Vaini ly patang nai kani ne; kaichi ly pajeng naira avum iy kangji kanga u bo. Kaichi ly neng tym i py atho by y nai deaungkho y, deaungdi tapen thai y nai neampachy hawi atawm.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 29:12

Huna nai khala y nangchi ly kai ai palau u ai; kai teng y jeu iy chiu sa u ai. Kai py nangchi i hnei takeng nai kang pathang pi ai.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

Kati Nai 21:7

Hunaibaly khumi mipuichi ly Mosi teng y chei u i, “Kaichi ly Areng hawi nang ai py ka-awi sa iy katamang u bo. Hini pavuichi la pi pawn ai nai Areng teng y chiu so pi kyh,” nanai takeng u. Naibaly Mosi my nichi i vui Areng teng y chiu sa pi.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.

TARA CHIH NAI KEUNGCHI 10:15

Na i py Israela chengchi my Areng teng y, “Kaichi ly kamngo sa tamang u bo; nangmy ngai nai kamta kaichi ai so ba; na i py vai, hini tlenrei ly kaichi ai atleu kyh ba,” nanai takeng u.

1 SAMUELA 1:15

Hannah my, “areng awi, kai ly rah pavui y leang, rah py kanei y leang; kai ly khri pa-rei paleung hawi y i, kaimy i patang nai sai Areng teng y amti pi nai chiu kasa nai teu;