ISAIA 24:1 - Khumi Common Language Bible

¹ Areng ly khaileaung pri phra hai iy, khumi angso savai tlang nai lawm hai ai. Mymy ly khaileaung adym a-i-eih hai iy, khumichi ai ahei hai ai.

ISAIA 24:1 Iomraidhean Croise

2 ARENG KEH 21:13

Samari mary hawi Israela samrang Ahaz hawi katu chanauchi ai pajeng nai kamta, Jerusalem mary y kapajeng ai. Tamui changpyn iy pakhiu meuh nai samtang kamta, Jerusalem mary theung y khumi leaungrei py by y na pa-rei katamyh ai.

NEHEMIA 1:8

Nang ly Mosi teng y adeu nai leu ai pany pi jo ba: ‘Nangchi ly kai i leu tangai u y baly, kai ly nangchi ai cheng takhrachi theung y ahei hai ai.

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 2:19

Khaileaung amchyh hai ai nai, mymy jeu nai khala y khumichi ly Areng i kado theu nai, mymy i sa thai naira hawi nang parai naira i nai law tleaungra nga ai nai lengseaung tapiuchi ra y py, khaileaung angawm tai i py aheu u ai.

ISAIA 24:19

Khaileaung ly ako iy sei nyhrei am-eaung thla vui ai.

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

ISAIA 27:10

Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.

ISAIA 29:16

Nichi ly ati cheaungkhangra y athli hai piupa reng nai ne. Laawm beu nai keung hawi laawm khaileaungchira y, ami aly len keh mo? Khumi i kiu hawi sa amcheang nai harei my khumi teng y, “Kai ai nangmy sa nai ne a?,” nanai py, “Nang ly nangmy i kalop ai pany y,” nanai py thui pajau na a?

ISAIA 29:2

naibaly Tameuh ly “Tameuh i maicham,” nanai amyn pathi nai mary y ka-jeira naini tym hai ai. Khumichi ly vo tangam u ai. Mary verei py kapathyprachi talam nai maicham lawm vui ai.

ISAIA 30:32

Areng my nichi ai avawsadym pakhau nai khala y, mymy i khumichi ly taro teaungteng katyn, pengpeng katynchi kamlym beu u ai. Tameuh mymy kypkyp py Asuria chengchi ai tiu ai.

ISAIA 32:12

Amti amjang thawn nai li khaileaungchi hawi kreip akhochi ly phra pawn veng nai deaungkho y py, kai i chengchi i khaileaung meingtymchira y aleng keung cheaungkhangchi my khiu cheng nai deaungkho y py, nangchi ly paleung si paleung mawn naimy, nangmychi i paleung atum u. Vaichi khala y khumichi amo theu naimy awm u nai yhmchi hawi, lo-pa sareaung hawi nai mary i vui vo u.

ISAIA 33:9

Huni pri py jengha iy khumi angso savaitlang veng bo. Lebanon daichi py aurui na veng bo. Khaileaung khuta hawi nai Sharon leaunghawi py, tui by y nai daichi ka-vym kamta lawm iy, Basen mawi hawi Karamela mawi y awm nai dengkeaung keungchi ly ngam vui be veng bo.

ISAIA 34:10

Huni ly kanithun, vum mai angveaung naimy maikhyh theu jojo ai. Huni pri ly khumi cheng vuijeungrei savai tlang ai. Huni pri y mo mang y mana khala py, aleaung ali nai khumi awm ai ny y.

ISAIA 34:2

Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.

ISAIA 42:15

Kai ly mawi katheang kalenchi ai panawi iy, acha hawi dengkeaung keungchi jei hai pawn ai. Kai ly tavo jawnbaichi ai jengha nai daichi ka-vymchilawn hai iy, tui sampumchi kang hai pawn ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 40:15

Hunaibaly Johanan my, “Ismaela ai padei ai nai kai ai pei. Padei nai keung ai ami py pany y leang mang. Ati mana nai nang ai padei ai nai pei lawh ai mo? Huna nai sa baly nang teng y tym achu nai Juda chengchi ly aheidan iy, Juda pri y awm rai nai khumichi tlang tleaung y ka-jeira avum ai,” nanai ka-vym y thui pi bo.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

Ezekiela 12:20

Khumi angso bi-ai nai mary puichi ai kataphra ai i, pri verei y khumi angso savai tlang nai daichi ka-vym lawm hai ai. Huna nai khala kai ly Areng ne, nanai nichi pany u ai,” napi.

Ezekiela 24:11

Naibaly kheupaja laawm ka-keu angngo jo na pa-rei mai-ai tleaung y khai. Hunaibaly kakhawi kaeng ai ly mai my kang pyn ai i, laawm ly reita leaungsai kamta kachai lawm teang ai.

Ezekiela 35:14

Sa thai naira angym nai Areng my, “Kaimy peang nai Israela pri phra nai thym khala, nang ai amo theu hai nai kamta,

Ezekiela 5:14

Tengpang sahawi i khumi cheng bawibawichi ly nang i sahawi mang aleaung u nai khala, nang i phra nai sai ai khen iy labeaung ang pi hai naimy asyn u pawn ai.

Ezekiela 5:2

Phyrei ai ly Jerusalem mary y katanmeuh nai neng tem nai khala mary theung y mai veang. Takhra phy harei ai lo ly mary theung y amki iy haisau hawi tawpbaw pawn. Vai phy harei ai ly ali theung y pakheang veng. Kai ly huni phyrei ai pareng iy haisau hawi kalei ai.

Ezekiela 6:14

Kai ly kiu pheu iy nichi i pri taphra ai. Israela chengchi i awm nai meingtym ngierei y kangheng patleaung y naimy, tokalawi mang daichi ka-vym dengdai, tosyh mang Riblah mary khrairei, khumi angso savai tlang nai meingtym kalawn hai ai. Huna nai khala kai ly Areng ne, nanai khumi bawibawichi my pany u ai.

Ezekiela 6:6

Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

Ezekiela 7:12

Neng tym bo. Ka-sum ka-pai sa nai chawn y nai neng kani ly kasa bo. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

Ezekiela 7:14

Tavai atiu amteaung ai nai baw eng bo i, khumi bawibawichi ly angvei u rym bo. Na i py leaungrei py tavai thau u y. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

AMTAW 17:6

Naibaly nichi ai niu y i, Jason hawi amjo amnau takhra amichi ai mo avang miteaung kehchi teng y ryh iy, “Khaileaung pri y kulu piupa nai keungchi ly hi y py ang tym i,

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

Leu Thui Nai 32:26

Kai ly nichi ai katamyh keng ai i, khumi ami py nichi ai pany jo ai ny y leang bo.

Leu Thui Nai 4:27

Areng ly nangchi ai pri tleirei y ahei hai ai; huni pri y nangchi i khumi maidenreichy naini heng u ai.

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.