ISAIA 21:2 - Khumi Common Language Bible

² Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 21:2 Iomraidhean Croise

ATITI AWM ANGCHEI NAI 10:22

Sema i chapochi ly Elam, Asura, Arpasa, Luda hawi Aramchi ne i, nichi ly nichi i amyn angam nai khumi chengchi i amsi pajochi ne.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

SAM 119:158

Kai ly leu atangai y nai khumichi ai niu nai khala y, khri pa-rei paso parai; ati mana nai mo nabaly nichi ly nang i leu pei naichi so patawm u y nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 60:3

Nang ly nangmy i khumichi ai, patang naira tym hai bo; kaichi ai nei cha ala nai khumichi kamta, atlym hai khikha na bo.

SAM 79:11

Theaung tla nai khumichi i tangam nai raawi ly tangai pi kyh ly dei ai naira avum nai khumichi ai nang i sa thai naira len parai nai hawimy law tleaung hai kyh ba.

LEU KACHENG 13:15

Tau cheng naira awm nai khumi ly khumi takhrachi i tahm khai naira avum reng; na i py ka-ym by y nai khumi ly patang naira avum reng.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

ISAIA 14:7

Hina nai khala naini khaileaung pri verei ly tlamsa iy, khumi bawibawichi py amo theu naimy khulym thui u ai nai nga.

ISAIA 22:6

Elam pri i keaungngo atang nai risachi ly thailihochi syn naimy ang jeu u bo. Kira pri i tavaimi risachi my py, khopuichi syn u rym bo.

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

JEREMIA 45:3

Kai, Areng ly nang i tlang tleaung y paleung kabi kang tleang nai deaungkho y, nang ly kasum pei bo! Tangam naimy atho bai nanai y, paleung awmnem naira ngo pajau y bo!,” nanai nang ly thui bo.

JEREMIA 49:34

Juda samrang Zedekiah samrang lyn nai bo kra y rai khala y, ati cheaungkhang sa thai nai keung Areng ly Elam pri molam y kai teng y leu pei nai ly

JEREMIA 49:35

“Kai ly Elam pri ai sa thai naira len pa-rei palum nai keung thailiho pa nai bawibawichi ai tleh pawn ai.

JEREMIA 50:14

“Thailiho pa nai khumichi awi, tavai pasau u ly Babulon mary ai tiu iy katanmeuh u. Babulon mary ly kai Areng i tlang tleaung y sa tamang u bo. Hunai deaungkho y nangchi i thailiho bawibawi hawi, huni mary mang y ko u.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

TANGAM NAI LEU 1:22

“Nichi ai mychi i hawi y nai cheaungkhang molam y pajeng kyh ba. Kai ai kaimy i kamngo molam y nangmy parip nai kamta, nichi ai py parip kyh ba. Kai i paleung py ka-dawn hawi y na bo.”

DANIELA 5:28

Phy paji, nanai leu i awm nai sai ly nang i pri ai ly Medi chengchi hawi Pasia chengchi teng y phy paji pi veng bo, nanai sai ne.

DANIELA 5:9

Naibaly samrang Belshazar ly khri pa-rei paleung bi nai deaungkho y, meimai takhuisui ra nai ne. Bangtangchi py meimai hawi y na bo.

DANIELA 8:2

Huni paleung mei hawi niu nai theung y, kai ly Elam pri ka-peang theung i mary apai tapang nai Susa mary theung y, vaimy tym vui nai kapany bo. Kai ly Ulai tavo sahawi y angdo iy,

DANIELA 8:20

“Nang i niu nai taki nyhrei awm nai beram katai ly Medi hawi Pasia prichi ai thui nai ne.

AMTENG HAI NAI 13:10

Ami ai py miseaung y hawi ai nai tla baly miseaung y hawi takengkei ai: ami py haisau y khumi ai tleh baly ni ai ly haisau ai tleh teang takengkei ai. Hinira y ly khumi kachaichi i kham tanga naira hawi ym naira amteng hai nai ne.

1 SAMUELA 24:13

‘Hawi y nai ly hawi y nai khumi naini sa khyh’ nanai jangni i thui achi nai leu nang pany. Hunai deaungkho y kai ly nang i tlang tleaung y ka-jei pei ai ny y.