ISAIA 21:1 - Khumi Common Language Bible

¹ Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

ISAIA 21:1 Iomraidhean Croise

JOBA 37:9

Ali kamchai ly tokalawi ngan mang dengdai khri pa-rei savai nai ali ly tosyh ngan mang dengdairei theu reng nai ne.

ISAIA 13:1

Hini leu pei nai ly Babulon pri i molam y Tameuh my Amoz i chapo Isaia teng y tym nai leu ne.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 14:14

“Kai ly tamaichi salo y lyn iy ati cheaungkhang sa thai nai keung hawi atawm pa-rei sa ai,” nanai thui bo.

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 17:1

Hini leu pei nai ly Damaska mary i vui ne. Areng my, “Damaska mary ly mary khaw jo y leang. Anawi seaungkhrang nai yhm ka-nawichi naini lawm ai.

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

ISAIA 5:28

Nichi i thailiho chynchi ly chiu parai i, thailihochi py a-eaung ai nai angveirym bo. Nichi i keaungngo muikenchi ly maiho lengseaung kamta tang iy, ka-ri amlira kheuchi py ali lengli kamta ami kaliki na bo.

JEREMIA 51:1

Areng my, “Kai ly Babulon mary hawi mary i khumichi ai taphra ai nai ali aho hai ai.

JEREMIA 51:42

Pangli tui ly Babulon mary salo y atheng iy, tui sampyhchi my um biu vui bo.

JEREMIA 51:51

Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

Ezekiela 1:4

Kai ly angdeang kalau iy khen nai khala, tosyh ngan mang ali kamchai aho nai kaniu. Khupanym pui mang amlosadichi theu iy, huni khupanym tengpang sahawi i kani khusang ly angvang teaung na; amlosadi theu nai y kheupaja hawi atawm nai ly sadi nanai ne.

Ezekiela 30:11

Ni ly pahyp y naimy ana nai tavaimichi hawi jeu iy, huni pri taphra pawn ai. Nichi ly Aikupta pri y haisau hawi tiu iy, huni pri y khumi veuchi hawi kawi hai ai.

Ezekiela 31:12

Pahyp y naimy ana nai cheng takhra khumichi ly huni keung ai paliu iy khai u su ai. Huni i changpichi hawi tleu nai changpi kalenchi ly pri verei i mawichi, tavo micheaungchi, leaunghawichi salo y aheang na ai. Huni keung i ka-khui y abyh u nai khumi bawibawichi py theu u pawn ai.

Ezekiela 38:9

Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.