ISAIA 20:3 - Khumi Common Language Bible

³ Asadod mary anawi nai khala y Areng my, “Kai i miseaung Isaia ly phainai amchiu y, tlang ka-keu naimy saneng thomrei chei kathiu chei kalau nai ly Aikupta pri hawi Ethiopia prichi avum ai nai leaungsai ka-ma-ra ne.

ISAIA 20:3 Iomraidhean Croise

ISAIA 19:4

Kai ly Aikupta chengchi ai ana piupa nai samrang hawi y nai kiu tleaung y au iy, huni samrang ai ly nichi ai peang hai ai. Hini ly ati cheaungkhang sa thai nai keung kai, Areng my pei nai leu ne,” napi.

ISAIA 37:9

Huna nai khala y Ethiopia samrang Tirhakah my lu sa nai Aikupta tavaimichi ly mychi ai tiu ai nai ang jeu dudu bo, nanai Asuria chengchi satang nga u bo. Huni satang thai nai khala empara samrang ly Juda samrang Hezekia teng y cha harei pei pi nai ne.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 8:18

Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

JEREMIA 13:1

Areng ly nina lutum van iy, amthyp ai nai kai ai leu pei i, huni akeng kawm nina tui sui y ai nai py leu taviu nai ne.

Ezekiela 12:6

Huni vawnsai angpau ai paleang tleaung y atheng nai py, nangmy i chei ai nai lam niu thai y ai nai meimai atleang iy kaveng theung y theu nai py, nichi niu u sy. Nang i sa nai leaungsai ly Israela chengchi i vui pany hai nai ka-ma-ra lawm ai,” napi.

Ezekiela 30:4

Aikupta pri y tavai atiu ai. Ethiopia pri ly ka-jeira avum ai. Khumi neangneangchi ly Aikupta pri y tleh nai avum u ai. Huni pri ly lawm nai hawi taphra naira avum ai i, phra seaungkhrang naimy awm ai.

Ezekiela 30:6

Areng my, “Tosyh mang Mikadol mary i ka-so, tokalawi mang Asavan mary y khrairei, Aikupta pri mang y asa iy amtang nai khumichi ly tavai keung y dei u ai. Aikupta pri my amlyh hai nai tavaimichi py phra pawn ai. Hini ly sa thai naira angym nai kai Areng i pei nai leu ne.

Ezekiela 4:1

Tameuh my, “Nang khumi cho awi, iukhi harei lo ly nangmy i mo y khai iy, huni iukhira y Jerusalem mary myn so.

Ezekiela 4:3

Tamo phei harei py la iy mary hawi nangmy sala y apai kamta pado iy khai ly nang ly mary mang y mo tha ba. Mary ly katanmeuh naira avum bo; nang ly mary y katanmeuh nai keung ne. Huni ly Israela chengchi i vui pany hai nai ka-ma-ra lawm ai.

ZEPHANIAH 2:12

Areng ly Ethiopia khumichi ai py padei ai.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

Kati Nai 14:34

Nangchi Kanan pri khen paviu nai kani vui palyhrei i vui, kanirei y saneng sanengrei, nangchi ai pajeng nai ly saneng vui palyhrei avum u ai. Nangchi ly kaimy nawi su nai avum u ai!