ISAIA 2:8 - Khumi Common Language Bible

⁸ Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

ISAIA 2:8 Iomraidhean Croise

1 ARENG KEH 16:7

Baasa ly Areng i tlang tleaung y kamngo sa nai deaungkho y, amo Jehu my, Baasa hawi yhm dengtheungchi i vui y leu pei. Baasa ly mymy ny y rai khala i peang nai samrang Jeroboam kamta, kamngo sa nai khyh chang y i, Jeroboam hawi yhm dengtheung bawibawichi ai padei nai deaungkho y, Areng ly ni i tlang tleaung y kado theu nai ne.

2 ARENG KEH 17:10

Mawi aheung bawibawichi ra py, ka-khui hawi nai dengkeaung keung bawibawichi anui y py, leungcheng salengchi hawi Aser tameuh nu i tamkhawnchi khai u.

2 ARENG KEH 17:16

Nichi ly mychi i Areng Tameuh i Reita bawibawichi taphra u iy, chiu ai nai sikatai myn nyhrei sa u. Nichi ly Aser tameuh nu myn py sa u; ka-si taukichi py chiu u iy, bala tameuh ai py chiu u bo.

2 NENG SATANG 27:2

Ni ly ampo kamta Areng i mei ka-niu y kahawichi sa. Na i py ni ly ampo kamta Achura yhm theung kun iy kamngo so y leang. Khumi mipuichi naini kamngo sa kari sa u nai ne.

ISAIA 17:8

Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

ISAIA 26:13

Kaichi i Areng Tameuh, kaichi ly amichi my ang peang nai avum u ai. Na i py nang leaungrei naini kaichi i Areng ne.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 40:19

Mymy ly kupe kakawpchi my patlawn iy pa-thengchi my muku hawi paleaung nai, tangka hawi langdeng khaw hai nai myn hawi atawm y.

ISAIA 41:29

Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

ISAIA 57:5

Nangmychi i khai takhra nai dengkeaung keungchi anui y kamthu kamleaung sa nai hawimy, khaileaung hawi hai nai tameuhchi ai chiu u bo. Mychi i cho chanauchi ai tavo jawn sahawi y awm nai lengseaung tapiuchira y apathyp u.

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

HOSEA 12:11

Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 8:6

Israela cheng kupe lasa kakawp hawi sa nai myn ly tameuh ny y! Samari khumichi chiu nai muku si katai myn ly dei lawm piu vui ai!

MIKHA 5:12

Kai ly nangchi i teaung nai atam, laphawichi ai taphra pi pawn nai deaungkho y, nangchi theung y leung sara awm ai ny y.

AMTAW 17:16

Naibaly Pawla ly Atheni avang y nini ai ajeng nai thym khala y ly, huni avang ly tameuh myn kawi nanai niu i, mymy ly paleung am-yh pajau y bo.

Leu Thui Nai 4:28

Huna nai khala nangchi ly khumi i kiu hawi sa iy, mei niu y nai, kano thai y nai, cho thai y nai, mui py thai y nai dengkeaung tameuh, lengseaung tameuhchi ai chiu u ai.

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang: