ISAIA 2:11 - Khumi Common Language Bible

¹¹ Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:11 Iomraidhean Croise

2 SAMUELA 22:28

Mymy ly paleung apanem nai khumichi ai atleu; na i py paleung len amlyh nai khumichi ai ly tahm anem hai bo.

SAM 18:27

Mymy ly paleung apanem nai khumichi ai atleu bo. Na i py paleung len amlyh nai khumichi ai ly tahm anem hai vui nai ne.

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 20:8

Huna nai khumichi ly athei iy atlym u ai. Na i py achi ly ang thau iy khaw parai naimy angdo ai.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 94:2

Nang ly khumi bawibawichi ai tara chih nai keung ne; ang thau iy paleung len nai khumichi ai mychi hawi ataing nai kamngo pajeng pi ba!

LEU KACHENG 16:5

Areng ly paleung len nai khumi ngiereichi ai ly niu ngai y. Nichi ly mana khala py, kamngo pajeng naira i nai lawi hai ai ny y.

LEU KACHENG 30:13

Phyrei khumichi ly mymychi ai khri pa-rei khumi kahawichi ne, nanai apalawn u reng. khrikhri pa-rei khumi kahawichi ne, nanai athang khai u lawh ly!

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 14:15

Na i py huna nai lawm ai nai tleaung y ly tavau pri khri pa-rei thiu parai nai meingtym y tym y aphi nai avum lawh bo.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 28:5

Ati cheaungkhang sa thai nai keung Areng ly dei kamthum mymy i khumichi i vui y, phum-ang nang parai nai areng lukhym kamta lawm nai neng kani ang tym ai.

ISAIA 29:18

Huni neng kani tym nai khala y, kano kapangchi ly cha phain nai katyn thai ai. Kaveng theung y awm nai mei kamjuchi ly mei angvang iy niu u ai

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 4:1

Huni neng tym nai khala y neampacho leaungrei ai neampachy leaung saryhreichi my katanmeuh iy, “Kaichi ly kaimychi cha ai nai hawi ateaung ai nai i vui ly ka-vo sa pajau nai ne. Juvo dengtheung by y nai molam y kangji ngo y ai nai, nang ai kaichi i juvo palawn ai nai pei ba,” nanai thui u ai.

ISAIA 40:23

Mymy ly sa thai naira len nai samrangchi ai pala iy, huni khumichi ai ati sai py ny y naichi lawm hai bo.

ISAIA 52:6

Na i py kai ly Tameuh ne, nanai kai i khumichi ly kai i amyn pany iy, nangchi teng y leu pei nai keung ly kai ne, nanai kangkhym y nangchi pany u ai.

JEREMIA 12:9

Kaimy vawi takhra nai yhmtheaung kamtym ly ahmtlauchi my taki iy atiu nai tavo hawi atawm. Mawi kasichi jeu iy cha nei ai nai palau ba!

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

Ezekiela 38:14

Hunai deaungkho y sa thai naira angym nai Areng ly Koka teng y thui pi ai nai kai ai pato bo; “Kai i khumi Israela chengchi tlamsa naimy awm nai thym khala,

Ezekiela 38:19

Kai i kado theu nai mai kangveaung saho y huni kani y ly Israela pri y khri pa-rei kalei theu ai, nanai kaimy leu pei bo.

Ezekiela 39:11

Areng my, “Hini atitichi tym nai khala, Koka teng y Israela pri pangli kadei nisi vai mang y awm nai lamdeu leaunghawira, tapreaung meingtym harei kapei ai. Hunira y Koka hawi ni i tavaimi bawibawichi ai up nai deaungkho y, khuleaung chei naira lam by y vui na ai. Huna nai y huni leaunghawi ly Koka tavaimi leaunghawi, nanai amyn loh ai.

Ezekiela 39:22

Huni neng khala i dengdairei Israela chengchi ly mymychi i Areng Tameuh ly kai ne, nanai pany u ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

HOSEA 2:16

Huna nai khala ni ly kai ai Bala, nanai palau y naimy, juvo, nanai palau ali teang ai.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

HOSEA 2:21

Huna nai khala kai i khumi Israela chengchi i chiu sa nai tangai pi ai. Kai ly khaileaung salo y kani nai hai nai deaungkho y, khaileaung i dengdairei, choh, kreip athai hawi olive athaichi athai ai.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

OBADIA 1:8

“Kai ly Edom pri y pajeng nai thym khala, ni i khumi kachengchi ai tamyh iy, cheng nai ngiereichi ai taphra vui ai.

MIKHA 2:3

Hunai deaungkho y Areng my, “Nangchi patang naira avum ai nai kaimy sa ai. Huni patangra i nai nangchi law tleaung pajau ai ny y. Nangchi ly patang naira avum u ai. Huna nai khala nangchi ly amlyh am-e u pajau ai ny y.

MIKHA 4:6

Areng my, “Kaimy kapajeng nai, pri pala naira avum nai khumichi ai, kaimy kalym kalawi teang nai neng ly tym ai nai kasa bo.

MIKHA 5:10

Areng my, “Huni neng khala y kai ly nangchi i keaungngochi ai taphra iy, nangchi i tavai ka-richi taphra ai.

ZEPHANIAH 3:11

Aw Kai i khumichi awi, huna nai khala nangchi ly kai ai tiu u nai molam y, kaji ai nai ngai y leang bo. Kai ly paleung len nai khumi, amlyh am-e nai khumi ngiereichi ai taphra pawn ai; nangchi ly mo mang y mana khala py, Jerusalem mary i chai parai nai mawi salo y, kai ai tiu u ai ny y.

ZEPHANIAH 3:16

Huni kani y Jerusalem mary ai, hina nai thui ai, “Aw Zion mary awi, jei moh! Nang ly kiu angto y naimy awm moh!

ZEKHARIAH 9:16

Huni neng kani tym nai khala, beram typ keung ly beram kanghuchi ai ka-jeira i nai atleu nai kamta, nichi i Areng ly mymy i khumichi ai atleu ai. Nichi ly areng lukhymra i vang kateng lengseaungchi kamta, mymy i pri y kangvang sangso angvang ai.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

II KORINTH 10:17

Na i py amlyh nai ngierei ly Areng y amlyh sy. Amymy ai kahawi athui nai khumi ly palo naira ngo y leang;

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.