ISAIA 2:10 - Khumi Common Language Bible

¹⁰ Areng i kado theu nai, mymy i sa thai naira hawi nang parai naira i nai law tleaungra nga u ai nai, nichi ly lengseaung tapiuchira y py, khaileaung angawm tai i py aheu u ai.

ISAIA 2:10 Iomraidhean Croise

JOBA 31:23

Kai ly Tameuh my kamngo pajeng ai, nanai jei nai deaungkho y, hini leaungsaichi mana khala py kaso vam y.

JOBA 40:13

Huni khumi bawibawichi ai khaileaung y up iy, tavau pri y kawm cheng ba.

SAM 145:12

Hina nai y khumi bawibawichi ly nang i sa nai saichi ai py, nang i pri nang parai nai saichi ai py, pany u ai.

SAM 90:11

Nang i kado theu nai haiho ai ly ami avum bawi pajau ai mo? nang i kado theu nai ly mana tanrei jei ai hawi na mo, nanai ami pany pajau ai mo?

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 25:11

Nichi ly tui jau nai kamta kiuchi hawi atho sa naimy kalai na teu i py, Tameuh ly nichi i paleung len nai panem vui nai deaungkho y, kiuchi jitang naimy awm hai ai.

ISAIA 42:22

Na i py vai, mymy i khumichi ly tiu lawm nai avum u bo. Nichi ai kaveng takunchira y, saw atleang iy heu vui bo. Atleu ai nai khumi leaungrei py by y i, nichi ly tiu lawm nai avum u nai ne.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 13:9

Mymy ly “Hina nai kamta kai ly Juda pri i paleung asang nai hawi Jerusalem mary i amlyh am-e nai taphra veng ai.

HOSEA 10:8

Avan mary mawi salo y awm nai Israela khumichi i chiu nai meingtymchi ly phra ai. Nichi i maichamchi salo y aleng keungchi, acha keungchi prau ai. Huna nai khala khumichi my mawichi ai, “Kaichi ai deng khyp ba!” nanai py, mawi aheungchi teng y, “Kaichi ai taphum meuh ba!” nanai py, aeu naimy takeng u ai.

NAHUM 3:11

Aw Ninevi mary awi, nang ly pavui tapai naimy, paleung ka-echi kiu i law tleaung ai nai atho sa ai.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

LUKA 23:30

Hunai khala y ly nichi ly mawi ka-sangchi teng y, ‘Kaichi ai akai hai mawp kyh,’ naibaly mawichi teng y, ‘Kaichi ai tleng hai mawp kyh,’ napi ai.

II THESALONIKA 1:9

Huni kani y ly mymy i khumi kachaichi y palo naira nga ai nai hawi, ym nai bawibawichi y rengrang tlai napi naira nga ai nai ang jeu nai khala ly (kaichi i pany hai nai leu ym u nai deaungkho y),