ISAIA 19:2 - Khumi Common Language Bible

² Areng my, “Aikupta pri theung y tavai atiu hai ai nai kachyh iy, amjo amnau tengtawi, yhm deaungpa tengtawi ka-jo pakei ai. Mary haihochi tengtawi py, samrang haihochi tengtawi py, mychi tengtawi atiu iy kamjau kamteang akhai u ai.

ISAIA 19:2 Iomraidhean Croise

1 ARENG KEH 16:21

Israela mipuichi ly paleung aleng u akyhkyh nai ne. Phyreichi ly Kinath i chapo Tibni ai samrang palyn ai nai ngai; phyreichi ly Omari ai palyn ai nai ngai.

2 NENG SATANG 15:6

Tameuh my khumichi teng y patang nairachi tym hai nai deaungkho y, pri harei my pri harei ai, mary harei my mary harei ai ana u nai ne.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

ISAIA 9:21

Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 46:12

Khumi cheng cheaungkhangchi ly nangchi i kangji nga nai thai u veng bo. Nangchi i vo nai raawi khumi lutengchi my thai u nai ne. Tavaimi risa ly leaung leaungrei adeng nai deaungkho y, leaung nyhrei khaileaung y atlym hawi mei bo.

JEREMIA 51:46

Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

Ezekiela 38:21

Kai ly ka-jeira cheaungkhangchi hawi Koka ai kaso theu hai ai. Hini ly sa thai naira angym nai kai, Areng i pei nai leu ne. Ni i khumichi ly mychi tengtawi atleh u ai.

ZEKHARIAH 8:10

Huni neng ny y rai khala ly ami py khumichi, tawnbawichi ai kalop so hai pajau y. Ami py mychi i paleung ka-echi teng i nai law tleaung ai nai ngo y. Kai ly khumi cheng tengtawi ajo hai nai ne.

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

MATTHAI 10:36

Ami i paleung ka-echi ly mymy i dengtheungchi theung i khumi kypkyp my ne ai.

MATTHAI 12:25

Naibaly Isu ly nichi i dawn naichi ly pany i nichi teng y, “Mani pri y py amy tengtawi atiu nai ngierei ly tama ai; naibaly mani avang y py dengtheung py amy tengtawi atiu nai ngierei ly awm thai ai ny y.

MATTHAI 24:7

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y takang theu ai i, kaleih py theu ryry ai.

MARKA 3:24

Pri py amy tengtawi atiu ryp baly, huni pri ly awm thai y leang.

TARA CHIH NAI KEUNGCHI 7:22

Kideon i risachi my bawchi eng u nai thym khala, Areng ly paleung ka-e tavaimichi ai, mychi tengtawi haisau hawi atleh mengmeaung hai bo. Nichi ly Zarethan meingtym mang y amhi iy, Bethsita mary hawi Tabath mary sahawi i Abela Meholah mary tym pa-rei preang u nai ne.

TARA CHIH NAI KEUNGCHI 9:23

Hunaibaly Tameuh my Abimelek hawi Sekhem mary i khumichi ai khrukhra hai nai deaungkho y, nichi ly Abimelek ai tiu u bo.

1 SAMUELA 14:16

Benjamin khu ka-peang Kibeah mary y awm nai Sawla i tamcheaung typ nai khumichi ly Philistia chengchi ahei khrikhra naimy preang nai niu u.

1 SAMUELA 14:20

Naibaly ni hawi ni i risachi ly khrukhra nai theung y, mychi tengtawi atamang meungmang naimy atleh u nai Philistia chengchi theung y kun iy tiu u bo.