ISAIA 19:1 - Khumi Common Language Bible

¹ Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 19:1 Iomraidhean Croise

SAM 104:3

kani khusangra i tui salo y nangmy i yhm sa. Nang ly tamaichi ai nangmy i ka-ri kamta, ali ai nangmy i pakhichi palawn iy atang bo.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 18:9

Mymy ly kani katheu paeaung iy satla kathiu bo. Kheu padawi anui y panum biu nai khupanymchi awm.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

THEU NAI 12:12

“Huni vum y kai ly Aikupta pri verei y amki ai i, khumi i chapo chalu hawi tawnbawi cho chalu ngiereichi ai padei ai; Aikupta pri verei i tameuhchi ai py kapajeng ai; Kai ly Areng ne.

ISAIA 13:1

Hini leu pei nai ly Babulon pri i molam y Tameuh my Amoz i chapo Isaia teng y tym nai leu ne.

ISAIA 13:7

Kamtang avum naimy vo tangam u. Khumi bawibawichi i kiu ly atho bai u ai. Huni khumichi ly paleung theang u ai.

ISAIA 19:16

Aikupta chengchi ly neampachy kamta, jeisi nai neng kani tym ai. Ati cheaungkhang sa thai nai keung Areng ly nichi ai pajeng ai nai kiu pahyn naimy awm, nanai niu u nai khala y, nichi ly jei hyn u ai.

ISAIA 21:9

keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

JEREMIA 25:19

Kreip hang khaura i kado theu naira hang nei ai tla nai takhra khumichi i vuikanai ly: Aikupta pri i samrang, samrang i bangtangchi hawi lu sa nai keungchi, Aikupta chengchi hawi Aikupta pri y awm nai cheng takhra khumi ngiereichi, Uz pri i samrang bawibawichi, Philistin pri i Asakelon mary, Kaza mary, Ekron marychira i samrang bawibawichi hawi Asadod mary i khumi kamthum kamlai ngiereichi, Edom pri, Moba pri hawi Ammon prichira i khumi bawibawichi, Turu hawi Sidon samrang bawibawichi, Pangli vai Mrethe pangli tengtang y peang nai samrang bawibawichi, Dedan mary, Tema mary hawi Buza marychira i khumi bawibawichi, Lu i sam kadawi avau nai khumi ngiereichi, Arabia samrang bawibawichi, khutaha daichi ka-vymra y awm nai cheng takhrachi ai peang nai samrangchi, Zimri pri, Elam pri hawi Media pri i samrang bawibawichi, Tosyh mang y awm nai, kamlo kangsara i awm nai samrang bawibawichi ne. Khaileaung pri y awm nai khumi chengchi ly huni kado theu naira hang nei u nai ne. Kangkhym kangtem y nei ai nai khumi ly Babulon samrang ne.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

Ezekiela 30:13

Sa thai naira angym nai Areng my, “Kai ly Nopha mary i mynchi hawi tameuh mynchi taphra pawn ai. Aikupta pri ai peang nai keung leaungrei py awm ai ny y. Kai ly khumi bawibawichi ai jei hyn hai ai.

JOELA 3:19

“Aikupta pri ly khutaha meingtym lawm iy, Edom pri ly phra ai i, khumi angso by y nai meingtym lawm ai. Ati mana nai mo nabaly huni prichi ly Juda pri ai tiu iy, khumi kahawichi ai padei u nai deaungkho y ne.

NAHUM 1:1

Hini ly Ninevi mary molam y pany hai nai ne i, Elakosa avang i Nahum my paleung mei y niu nai satangchi ne.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

ZEKHARIAH 10:11

Nichi ly ka-jeira awm nai pangli y angpeang nai khala, kai Areng ly tui sampyhchi anawn hai ai. Naing tavo i thiu parai nai meingtymchi py, tui kang pawn ai. Asuria pri i paleung len nai ai, kapanem pi vui ai. Atho awm nai Aikupta pri py, sa thai naira jum vui ai.

ZEKHARIAH 14:18

Aikupta chengchi ly Taichy Pawi sa ai nai akhi u lawh teu baly, nichi ly huna nai akhi nai molam y, Areng my pato nai no kanghawi avum u ai.

Kati Nai 33:4

Huna nai thym khala Aikupta chengchi ly Areng my pajeng naira avum nai chapo chaluchi i veu up thym nai ne. Huna nai pajeng nai molam y, Areng ly Aikupta chengchi i tameuhchi tleaung y sa thai naira len keh nai sai patei pi nai ne.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.

JOSUA 2:11

Huni satangchi thai phai thai baly kaichi jei hyn u bo. Nangchi molam y kaichi ly paleung phra atho di u nai ne. Nangchi i Areng Tameuh ly kani khaileaung peang nai keung Tameuh ne.

JOSUA 2:24

“Areng ly achi teng y huni pri verei ai ang pei takengkei nai bo; huni pri i khumi bawibawichi ly achi ai jei hyn u nai ne,” napi.

JOSUA 2:9

nini teng y, “Areng ly hini pri nangchi teng y pei ai, nanai kai pany. Hini pri i khumi bawibawichi ly nangchi ai jei hyn na bo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.