ISAIA 17:9 - Khumi Common Language Bible

⁹ Huni kani tym nai khala, khaw parai nai lengseaung apai tapang nai marychi ly Hivit hawi Amori chengchi ly Israela chengchi teng i preang u nai khala y khai su nai marychi kamta, khumi angso savai tlang nai lawm iy phra seaungkhrang ai.

ISAIA 17:9 Iomraidhean Croise

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 17:8

Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

ISAIA 27:10

Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.

HOSEA 10:14

tavai keung y nangchi ai paleung ka-echi my tiu iy, nangchi i amtangrachi phra pawn ai. Huni ly tavai keung y Salman samrang my Bethabela mary ai taphra nai kani lawm iy, amhm hawi deaungdichi ly dei lawm na pa-rei padei nai avum ai.

AMOS 7:9

Isaka i kangpreangchi chiu nai meingtymchi phra ai. Israela pri i meingtym kachai ngierei ai, khaileaung ka-keu naini lawm hai ai. Kai ly samrang Jeroboam i samrang kangpreang deung tlum hai ai,” napi.

MIKHA 5:11

Kai ly nangchi i pri y awm nai marychi taphra iy, nangchi i amtangrachi taphra ai.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.