ISAIA 15:2 - Khumi Common Language Bible

² Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 15:2 Iomraidhean Croise

2 SAMUELA 10:4

Hanun ly Davida i pato nai savaichi ai patiu iy, labeaung mui ka-hyhrei vau pi vui i, baichuchi akeng tym pa-rei sei pi vui iy, pato ali teang bo.

1 NENG SATANG 19:4

Naibaly Hanun ly Davida i pato nai savaichi ai patiu iy, labeaung mui vau pi pawn. Nichi i ateaungchi py phaibeung ryrei o pi vui iy pato teang bo.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

ISAIA 14:31

Aw Philistin mary bawibawichi awi, vo tangam naimy aeu iy kasabawmra hnei u! Nangchi bawibawi py jei hyn naimy awm u! O-a sorai paleung awm nai khumi leaungrei py abawi y nai tavaimi kamkawm pui harei ly khaileaung khyhmeung naimy tosyh mang dengdairei ang jeu u bo.

ISAIA 15:3

Lamchira y awm nai khumichi ly paisiu akhiu u nai ne. Khaileaung ka-hochi hawi yhm amphuchi salo y py, paleung si nai patei iy vo u bo.

ISAIA 16:12

Moba mipuichi ly chiu sa ai nai myn chiu nai meingtymchi hawi achura yhmchi mang y chei u teu i py, ati sai py kamran awm ai ny y.

ISAIA 16:7

Moba mipuichi ly mymychi i avum nai ngari kamtang molam y vo-pi u ai. Kir Here mary y mychi cha u reng nai cha nei kahawichi adawn u ali teang nai khala, nichi bawibawi ly vo-pi ai. Paleung phra atho di naimy awm u ai.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 3:24

Nichi ly rimui kamui amseaung y naimy, kaveaung kamui amseaung ai. Apu parai nai khobaichi jeng y, vuinawnchi teaung u ai nai tla ai. Khen apu parai nai samteungchi jeng y, lu tabiuliu nai awm u ai. Apu parai nai ateaung alangchi jeng y, ateaung kamawnchi ateaung u ai nai tla ai. Nichi i khrei ai hawi parai nai areaung py, kangji awm nai mang y amtlau vui ai!

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 47:2

Mymy ly “Khen cham! Tosyh ngan mang y tavo tui leaung nai kamta, ang leaung ai. Huni tuichi ly khaileaung hawi khaileaung tleaung y awm nai ngiereichi, marychi hawi mary i khumichi ai um biu ai. Khumichi ly atleu pi ai nai kaau u ai. Khaileaung tleaung y awm nai khumi bawibawichi ly khrikhri pa-rei vo u ai.

JEREMIA 47:5

Kaza mary i khumichi ly khri pa-rei paleung si vo tangam u bo. Asakelon mary i khumichi py tyn kryh y nai ne. Awm rai nai Philistin khumichi ly mana tanrei kakra vo tangam awm u ai mo?

JEREMIA 48:1

Moba pri molam y ati cheaungkhang sa thai nai keung Areng i leu pei nai ly hina nai ne: Nebo mary i khumichi ai palau u; nichi i mary ly phra veng bo! Kiriathaim mary ai ly tiu iy la vui bo i, huni mary i amtangrachi ly taphra vui nai y, mary i khumichi ly kangji nga u nai ne.

JEREMIA 48:18

Dibon mary y awm nai khumichi awi, nangchi ly tahm awm nai meingtym i nai satla iy, spryh tleaung y ateh u. Moba pri ai phra hai nai keung ly hini meingtym y tym iy, nang i amtangrachi taphra veng bo.

JEREMIA 48:31

Hunai deaungkho y kai ly Moba pri khumi bawibawichi hawi, Kir Here mary i khumichi i vui meikatui tla ai.

JEREMIA 48:35

Kai ly Moba pri khumichi ai mawi saleungchira y leng patlum nai kapathyprachi talam nai hawi, mychi i tameuhchi teng y apathyp naichi anawn hai ai. Hini ly ka, i Areng i thui nai leu ne.

JEREMIA 49:3

Hesabon mary i khumichi awi, vo u! Nangchi i Ai mary ly phra veng bo! Rabah mary i neampachychi awi, paleung si nai patei u! Paisiu kanih apam iy paleung si nai patei u. Tapai taveang naimy angpreng u. Nangchi i Mole tameuh ly my i pathyp pi nai keungchi, samrang i chapochi hawi vanrei, pri pala nai avum u ai.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

Ezekiela 27:31

Nichi ly nang i tlang tleaung y tym nai sai niu u i, sam avau biu iy paleung si paleung mawn nai ka-ma-ra y paisiu apam u. Nichi ly paleung si nai khrikhri pa-rei vo hang u bo.

Ezekiela 30:2

Mymy ly “Nang khumicho awi, sa thai naira angym nai kai, Areng i leu pei nai ai tao pajeng parai naimy thui pi ai nai ly: Ka-jei awm nai kani ly ang tym ai bo!

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

Levi 13:40

Neampacho, ti y baly neampachy i lu nithun mang i sam mo, mo mang i sam mo, amui lawh baly chai y, nanai tapi pajau y.

Levi 21:5

Pathyp pi nai keung ly dei nai khumi i vui y paleung si nai ka-ma-ra sam vau ai nai avo y; labeaung mui py atakip moh, amy i tlang ai py a-oh moh.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

Kati Nai 21:28

Vaichi khala samrang Sihon i tavai kamkawm ly Hesabon mary i dengdairei theu nai mai kadeu kamta tavai thau nai, Moba pri Ara mary ai taphra vui iy, Arnon Tavo leng mang i mawichi kang hai bo.

Kati Nai 21:30

Hunai deaungkho y nichi i kangpreangchi ly Hesabon mary i dengdairei Dibon mary tym pa-rei py, Nashim mary i dengdairei Medeba mary sahawi i Nopha mary tym pa-rei py taphra chauchau bo,” nanai khulym thui u.

Kati Nai 32:3

“Areng my sabawm nai deaungkho y Israela chengchi my peang vui nai Ataroth mary, Dibon mary, Jaze mary, Nimrah mary, Hesabon mary, Elealeh mary, Sibmah mary, Nibo mary hawi Beon mary meingtymchi ly sui tlaira meingtym kahawichi ne. Kaichi ly tawnbawi kanghu neangneang awm.

Kati Nai 32:38

Nebo mary, Bala Meon mary (Huni ly amyn palai vui bo) hawi Sibmah marychi ai palum u teang bo. Nichi i palum teang nai marychi ai amyn kangtha pathi u teang nai ne.

Leu Thui Nai 14:1

“Nangchi ly nangchi i Areng Tameuh i khumi cheng ne. Hunai deaungkho y kadeichi i vui paleung si nai khala, amy i ngan tlangra y tamo apei piupa nai, lupang sam avau lawp nai so ngau y.

Leu Thui Nai 34:1

Naibaly Mosi ly Moba angdym i dengdairei, Jeriko mary nisi mang i Nebo mawi, Piska mawi saleung y lyn kalau bo. Huni meingtym y Areng ly tosyh mang i Dan mary khrairei kau nai Kilead khu ka-peang,