ISAIA 13:6 - Khumi Common Language Bible

⁶ Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 13:6 Iomraidhean Croise

JOBA 31:23

Kai ly Tameuh my kamngo pajeng ai, nanai jei nai deaungkho y, hini leaungsaichi mana khala py kaso vam y.

ISAIA 10:25

Nangchi ai pajeng chum baly kra y naimy kai ly nichi ai tamyh ai.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 13:9

Kapahenra by y nanai kado katheu pajengra avum u ai nai neng kani napi nai, Areng i tara chih nai neng kani ang tym ai. Khaileaung ly khumi angso by y nai meingtym lawm ai. Kamngo sa nai khumi ngiereichi py, tamyh pawn naira avum u ai.

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 14:31

Aw Philistin mary bawibawichi awi, vo tangam naimy aeu iy kasabawmra hnei u! Nangchi bawibawi py jei hyn naimy awm u! O-a sorai paleung awm nai khumi leaungrei py abawi y nai tavaimi kamkawm pui harei ly khaileaung khyhmeung naimy tosyh mang dengdairei ang jeu u bo.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 23:1

Hini leu pei nai ly Turu mary i vui ne. Pangli mang y tym u nai nangchi samphora y kalop sa u naichi awi, paleung si naimy vo tangam u! Nangchi i khuteng lawm nai sampho khenra Turu mary ly phra veng bo. Hunira i yhmchi hawi tuivumchi ly phra pawn bo. Huni satang ai nangchi ly Kuparu pri i nai vawi ali teang nai khala thai u nai ne.

ISAIA 34:2

Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 47:11

Taham kasi ly nang i tlang tleaung y tym ai. Hini ai nang i atam kakawp my paka pajau ai ny y. Nang ly mana khala py, amang mang y amang vai y nai phra naira avum ai!

ISAIA 52:5

Areng my vai, Babulon pri y py hina nai kamta tym hai nai ne. Nangchi ly huni pri y ati sai py ny y pui naimy, langheng hawi naichi lawm u bo. Nangchi ai peang nai keungchi ly panui hai iy, kai i amyn y avawrei mei aniu y nai sa u, nanai thui.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

JEREMIA 25:34

Kamkawm luchi awi, vo tangam u; kai i khumichi ai kry nai beram typ nai keungchi awi, khri pa-rei aeu u! Paleungsi naimy spryhchira y jawn u tlawntlan. Ang padei ai nai neng tym bo i, nangchi ly beram kataichi kamta dei u ai.

JEREMIA 49:3

Hesabon mary i khumichi awi, vo u! Nangchi i Ai mary ly phra veng bo! Rabah mary i neampachychi awi, paleung si nai patei u! Paisiu kanih apam iy paleung si nai patei u. Tapai taveang naimy angpreng u. Nangchi i Mole tameuh ly my i pathyp pi nai keungchi, samrang i chapochi hawi vanrei, pri pala nai avum u ai.

JEREMIA 51:8

Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

Ezekiela 13:5

Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

Ezekiela 21:12

Nang khumicho awi, paleung si nai y vo naimy hang na ba; hini haisau ly kai i khumichi hawi Israela chengchi ai lu sa nai keungchi i vui ne. Nichi ly awm asai rai nai kai i khumichi theung y abawi naichi hawi vanrei padei ai nai tla ai. Paleung phra nai y nangmy i paleung y atum ba!

DANIELA 5:26

Kati, napi nai i awm nai sai ly Tameuh my nang i pri peang nai deung kati pi i, tem ai nai neng tym hai bo, nanai ne.

DANIELA 5:9

Naibaly samrang Belshazar ly khri pa-rei paleung bi nai deaungkho y, meimai takhuisui ra nai ne. Bangtangchi py meimai hawi y na bo.

JOELA 1:11

Nangchi li, hlau sa naichi awi, paleung si tangam u; ati mana nai mo nabaly chohpui chomaw, chajai hawi amti amjang bawibawichi phra be veng bo. Naibaly nangchi kreip akho yhmkeungchi awi, vo tangam u.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 1:5

Nangchi nei cha ala naichi awi, anglaw ly vo u; nangchi kreip hang nei naichi awi, vo tangam u; kreip hang kangtha sa ai nai kreip athaichi phra be bo.

JOELA 2:1

Tameuh i nang parai nai mawi napi nai Zion mawi salo y baw eng u; pany hai nai katyn pei u. Juda khumichi awi, kaso tahyn theu u! Areng i neng kani ly kra y naimy tym ai.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

AMOS 5:18

Areng i neng kani ajeng nai khumi i vui ly khri pa-rei ka-jei hawi parai na ly! Huni neng kani ly nangchi ai ati kahawi ang sa pi thai ai mo? Kangvang by y naimy kaveng khiu nai neng kani naini tym ai.

ZEPHANIAH 1:14

Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

ZEKHARIAH 14:1

Areng my tara chih ai nai neng kani ly ang tym ai. Huna nai khala Jerusalem mary ly tiu lawm nai avum iy, tiura i nga nai vawnsaichi ai, nangchi i mo y my phy amji u ai.

MALAKHI 4:5

“Na i py khri pa-rei ka-jei awm nai neng kani tym y rai khala, kai ly amo Elija ai nangchi teng y kang pato ai.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.